PO'ULE' INGULIT 30:13 - KITAB NU TUMPU ALLA LELE MA'IMAI'

¹³ Tampatnyo misa' mule' i santoanyo nu ambai, sahingga opokilawamo nu belemiu, ‘Ihe na timbali mokiijo' i santoanyo nu ambai da o alantomo mae, da timbali ohongonto ka' otulutinto?’

PO'ULE' INGULIT 30:13 ပူးပေါင်းရင်းမြစ်များ

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 8:11

Akumo na kapandean bapikin, nu lingkudui na intan, madi' opoko ala opokakanakon mau pa'apaa na anu nu kahanda'i dao'ala.

MATIUS 12:42

I Sinaa Kiamat, tomundo boune lengkat mae i tano' sasu Salatan, saidi' mae po'ule' tumuu' tiba to mia-mian tempo' uuka aiya ka' montutuk aha. Kalana da mohongo pangajalan i Salomo anu pande, tomundo boune aijo' nambamo itano' anu majo'on hondo lengkat i puus nu tano'. Panyo i aiya tempo' uuka daagi' ko anu daka' molingkudui Salomo!”

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

SISIKON NU TO RASUL-RASUL 10:22

Tinaaman nu aha, “Kapiteng Kornelius nonsai mae kami toka mae i uuka. Ia samian anu ma'ima' ka' mabuhuk hi Tumpu, tiba talalo otabea'i nu iwi-iwi' mian Yahudi. Samian na malaikat nu Tumpu nonsai ia mompoita i Tuan toka pe'e i laigannyo kalana, salaku bau pontaami do'anyo, ia sinai mohongo apaa na anu otaloakon i Tuan hi ia.”

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

PO'ULE' INGULIT 30:12

Tampatnyo misa' i langit sahingga opokilawamo nu belemiu, ‘Ihe na timbali moliba' mokiita' da o alantomo mae, da timbali ohongonto ka' otulutinto?’

PO'ULE' INGULIT 30:14

Boli mompokilawa susumo aijo', kalana palentah aijo' ohanimo hondo hi belemiu. Sinumbu'mo nu belemiu ka' timbalimo otaloakon mau madi'mo pilenje o basa', jadi memo samata-mata mombau.