PO'ULE' INGULIT 30:1 - KITAB NU TUMPU ALLA LELE MA'IMAI'

¹ “Uuka aiya belemiu mompile'imo pa' balakat kabai kutuk susumo anu tinutuhakonmo hi belemiu. De belemiu nongoa'imo kasansala'an aijo' iwi-iwi' ka' tinumuu'mo hi bansa-bansa anu i salipu'an i tampat nu belemiu pinongga'a-ga'atakonan nu Tumpu Allah nu belemiu, belemiu tonginau'mo i apaa na anu pinoki pile'ankumo hi belemiu.

PO'ULE' INGULIT 30:1 ပူးပေါင်းရင်းမြစ်များ

KAJADIAN 4:14

Belento nolaa'mo aku mosabat i tano' aiya, majo'onmo i tampat aiya anu saja' katokaan nu Belento. Aku timbalimo anu mahalajangan anu madi'mo ko tampat kajojoongan i dunia aiya, ka' maumo pa' ihe na mian mompateimo aku de nukabot nu aha na aku.”

1 TOMU-TOMUNDO' 8:34

ku taha'imani Belento kiita' ii suluga' mompotombihingakon mae aha. Ku taha'imani Belento mongampuni dosa' nu mian anu pinalesayamo hi Belento aiya ka' po'ule' mo momboa aha i lipu' anu binee'mo nu Belento hi mompolee' nu aha.

2 TAWARIKH 30:9

De belemiu po'ule'mo palesaya hi Tumpu, saba' to mia-mian anu nomboamo to utu-utus nu belemiu salaku mian anu i hakop mongkalibosimo ka' mompobee'mo mae aha minsusule'. Tumpu Allah nu belemiu aijo'mo na Tumpu Allah anu manonong ka' mongkalibosi; Ia po'ule' mongala belemiu de belemiu po'ule'mo minsusule' hi Ia.”

NEHEMIA 1:9

Panyo de kami po'ule'mo mohongo-hongo belento ka' montulutimo palentah nu Belento iwi-iwi', saba' kami anu nobagi-bagimo aijo' po'ule'je oposihuk nu Belento, maumo kami kiijo'mo mae i puusnyo nu dunia. Lantas sinuleakontomo mae nu Belento na kami i tampat anu pinile'anmo nu Belento da bau tampat ponsomban belento.

YESAYA 46:8

Soba tutugi ka' timbang ima-ima', o, to mia-mian anu palaganta!

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 8:3

Saba' aha to mia-mian anu daagi' tumuu' na bansa anu saja' balabuat ma'idek aiya anu gina'a-ga'at-Kumo namba iyaya mae lebemo mongka'ima'i silaka ka' madi'mo mongka'ima'i tumuu'. Aku, Tumpu Anu Mahakuasa hondo notataemo.”

YEHEZKIEL 18:28

Ia nongakuimo kasala'annyo ipalabuatannyo anu ihukuhakonmo lantas madi'mo sola' mombau dosa'. Tiba jalan anu sumo aijo' ia madi'mo silaka, panyo tataapmo tumuu'.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

ZAKHARIA 10:9

Maumo ahi' gina'a-ga'at-Kumo na aha namba hi bansa-bansa, aha tataap ahi' monginau' mae Aku kiijo' mae. Aha oposalamatmo sumo aitu mule' na to ana-anak nu aha ka' minsusule'mo hingga-hinggat mamba ilipu'nyo.

LUKAS 15:17

Kinahimpusannyo ia sininsumbu'mo ka' notatae, ‘To mia-mian anu mokalaja hi tuumangku molabi-labi na kaanonnyo, jo aku i aiya mompai patemo nu ohop!

PO'ULE' INGULIT 28:28

Tumpu mompotimbalimo belemiu da ulawon, mapisokmo ka' madi'mo ko anu opisumbu-sumbu'.

PO'ULE' INGULIT 28:64

Tumpu mongga'a-ga'atakonmo belemiu mamba hi bansa-bansa anu i songko-songko na dunia aiya. Ikiijo' mae belemiu monsombahmo to pilo-pilogot anu kau' ka' batu na binau, to pilo-pilogot anu madi' osumbu' nu belemiu ka' suele madi' nusumbu' nu mompolee' nu belemiu.

PO'ULE' INGULIT 29:27

Mokonyo aijo' Tumpu pinusamo hi mian anu pinalesayamo hi Ia ka' nompotokamo i lipu' nu aha balaa' iwi-iwi' anu tinulismo i kitab aiya.

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’

PO'ULE' INGULIT 30:15

Sinaa aiya belemiu timbalimo mompile'i anu ma'ima' kabai anu ma'idek, tumuu' kabai silaka.

PO'ULE' INGULIT 30:19

Uuka aiya opile'imo miu pa' tumuu' kabai silaka, pa' balakat nu Tumpu kabai kutuk-Nyo. Langit ka' tano' ku lagamo da bau sakisi apaa na anu tinaloakonkumo. Pile'i na kantumuu'an.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.