PO'ULE' INGULIT 3:8 - KITAB NU TUMPU ALLA LELE MA'IMAI'

⁸ Tempo'nyo aijo' ingalantomo ohua' na da'erah hi aha ohua' na tomundo Amori aijo' da'erah sasu kabete'an Kaunyo nu Yordan tiba Kaunyo nu Arnon toka-toka i Bungkutnyo nu Hermon. (

PO'ULE' INGULIT 3:8 ပူးပေါင်းရင်းမြစ်များ

1 TAWARIKH 5:23

Sambagian na tulunan nu bansa Manasye jojoong i da'erah Basan, kojo'onnyo toka-toka i Baal-Hermon sasu utara, Senir, tiba bungkutnyo nu Hermon. Aha nompaka pajo'onmo.

MAZMUR 42:6

Kadaka' kinyonyoangku sinusa'mo ka' madi'mo tinatap na kinyonyoa? Aku montaha'imani Tumpu. Sahingga aku daagi' ahi' montalima kaseh hi Ia, hi Tumpungku ka' anu momposalamat aku.

MAZMUR 42:7

Itano' pinomboan mae aiya kinyonyoangku nohintutumo hondo, kalana aijo' aku tinonginau'mo hi Tumpu. Santuu'ku na'anjumo isolok nu kasusa'an aku inganjuhakonmo nuiaba' mompokalangkabut; sumomo ahi' buhok nu uee Kaunyo nu Yordan itampat anu masolok lengkat mae i bungkutnyo nu Hermon tiba Bungkutnyo nu Mizar.

MAZMUR 89:12

Langit ka' tano' Belento na tumpu-Nyo, dunia ka' iwi-iwi' na isinyo Belento na nompotimbali.

PO'ULE' INGULIT 4:47

Aha nonjojoongimo tano' i Tomundo Sihon aijo', ka' suele tano' i Tomundo Og anu lengkat mae i Basan, samian na tomundo nu aha Amori sangga'at anu jojoong i sasu kabete'an Kaunyo nu Yordan.

PO'ULE' INGULIT 4:48

Tano' aijo' lengkat mae i kota Aroër sohipi' nu Kaunyo Arnon, toka-toka i sasu utara ka' i lau-lausmo i Bungkutnyo nu Siryon, aijo'mo Bungkutnyo nu Hermon,

YOSUA 12:1

Da'erah Yordan sasu kabete'an lengkat mae i Bangka'nyo nu Kaunyo Armon lau-laus mokiita' i Bangka'nyo nu Yordan kojo'onnyo toka-toka i Bungkutnyo nu Hermon sasu utara, pinatundu'mo ka' ingalamo ka' jinojoonganmo nu aha mian Israel. Ohua' na tomundo na pinatundu' nu aha.

YOSUA 13:8

Tulunan nu bansa Ruben ka' Gad ka' sambagian na tulunan nu bansa Manasye mohumpakmo tano' anu binee'mo i Musa, posaihon nu Tumpu, aijo'mo tano' anu i sasu kabete'an Kaunyo nu Yordan.