PO'ULE' INGULIT 3:4 - KITAB NU TUMPU ALLA LELE MA'IMAI'

⁴ Tempo'nyo aitu ingalantomo iwi-iwi' na kota nu aha, madi' ko sa'angu' pe'e na madi' ingala. Iwi-iwi' anompulu' na kota na ingalanto i songko-songko na da'erah Argob anu nu palentah i Tomundo Og anu lengkat mae i Basan.

PO'ULE' INGULIT 3:4 ပူးပေါင်းရင်းမြစ်များ

NOMBILANGMO 21:35

Sahingga mian nu Israel nompatundu'mo ka' nompateimo Tomundo Og, to ana-anaknyo ka' iwi-iwi' na miannyo, madi' ko anu tinontuha'. Lapas aitu aha nompalentahmo lipu' aijo'.

PO'ULE' INGULIT 3:13

Obagi ohua' na tulunan nu bansa Manasye sambagian binee'anku labinyo nu da'erah Gilead, ka' mule' da'erah Basan anu toho' pinalentah i tomundo Og, aijo'mo songko-songko na da'erah Argob.” (Basan talasanggo salaku lipu' nu aha mian Refaim.

PO'ULE' INGULIT 3:14

I Yair tulunan mae nu tulunan bansa Manasye nongalamo songko-songko na da'erah Argob, aijo'mo lengkat mae i Argob toka-toka mokiijo' i potempasan nu Gesur tiba Maakha. Ia nonsanggohi kampung haha aijo' binatukakonnyo i sanggonyo, ka' sampe tempo' uuka aiya daagi' talasanggo salaku kampu-kampung i Yair.)

PO'ULE' INGULIT 3:3

Jadi Tumpu Allah-nto suele nombee'mo i Tomundo Og tiba layatnyo hi kita ka' aha iwi-iwi' opatundu'tomo.

PO'ULE' INGULIT 3:5

Iwi-iwi' na kota aijo' anu mompohoson aijo'mo pagan mesen anu toto tangka-tangkas, sabatan toto daka-daka' ka' ponsupatnyo de o tumbanmo na sabatan toto daka-daka' haha aijo'. Ka' mule' sangga'at manjoo' na kota anu madi' ko pagannyo mesen titikub.

PO'ULE' INGULIT 4:47

Aha nonjojoongimo tano' i Tomundo Sihon aijo', ka' suele tano' i Tomundo Og anu lengkat mae i Basan, samian na tomundo nu aha Amori sangga'at anu jojoong i sasu kabete'an Kaunyo nu Yordan.

YOSUA 12:4

Tomundo sangga'at anu pinatundu'mo nu aha mian Israel aijo'mo i Tomundo Og lengkat mae i lipu' Basan, anu jojoong i Asytarot ka' i Edrei. Ia sala'samian bansa Refaim anu daagi' tinontuha'.