PO'ULE' INGULIT 3:28 - KITAB NU TUMPU ALLA LELE MA'IMAI'

²⁸ Pokinde'i ima-ima' na i Yosua, posanang na kinyonyoa, kalana iamo na molaya' bansa aijo' mokiijo' i santoanyo da monjojoongi lipu' anu tinoamo nu beleyum aijo'.’

PO'ULE' INGULIT 3:28 ပူးပေါင်းရင်းမြစ်များ

1 TAWARIKH 22:6

I Daud nolagamo anaknyo momo'ane, i Salomo, ka' nompalentahmo ia da mombaumo Laigan nu Tumpu Allah anu osombah nu mian nu Israel.

1 TAWARIKH 28:20

Lapas aijo' i Tomundo' Daud notatae mule' hi Salomo anaknyo momo'ane, “Beleyum tionyo ahi' totu-totu'u na kinyonyoa ka' baani. Tampuunimo na kalaja ka' boli bata-bata maumo pa'apaa na o ahopi. Tumpu Allah anu ku ku sombah na montulungi beleyum. Ia madi' mompojohok beleyum. Ia saja' montoa kapalaluan nu beleyum sahingga iwi-iwi' na kalaja aijo' timbalimo, ka' madi'mo ko anu obau.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

SISIKON NU TO RASUL-RASUL 7:45

Lapas aitu kemah aijo' pinoboa-boa nu mompolee'to tempo'nyo aha tiba i Yosua namba nompo'ago lipu'to aiya i kakuasa'an nu to bansa-bansa anu i laa' nu Tumpu na aha. Kemah aijo' kiijo' una-una' sampe tempo'nyo i Daud.

PO'ULE' INGULIT 1:37

Komiu suele no sabapimo. Tumpu pinusa hi belengku ka' no tatae, Musa beleyum suele madi' mopinsopi lipu' aijo.

PO'ULE' INGULIT 1:38

Panyo' patotongakon na kinyonyoa nu pombantum Yosua anaki Nun. Ia mo na kapala nu Israel mompatundu'i lipu' aijo.

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

PO'ULE' INGULIT 31:3

Posi Tumpu Allah-mo nu belemiu na lumajang mamba i momona ka' mompatei to bansa-bansa anu jojoong ikiijo' mae, sahingga belemiu timbalimo jojoong i tano' nu aha. I Yosuamo na timbali bau polaya' nu belemiu susumo anu tinaloakonmo nu Tumpu.

PO'ULE' INGULIT 31:7

Lantas i Musa nolagamo i Yosua, ka' i ahop nu bansa Israel iwi-iwi' ia notataemo hi Yosua, “Tionyo ahi' opohoson na kinyonyoa nu beleyum ka' tionyo ahi' baani, Yosua! Beleyummo na molaya' bansa aiya da jojoongmo i lipu' anu jinanji'mo nu Tumpu hi mompolee' nu aha.

IBRANI 4:8

De bisuannyo i Yosua nombee'imo mian haha aijo' da mingkain sumo jinanji'mo nu Tumpu, saba' Tumpu madi'mo daagi' notatae mongkona sinaa sangga'at.

YOSUA 1:2

Tumpu notatae, “Posaihon-Ku i Musa sinilakamo. Jadi uuka aiya beleyum ka' iwi-iwi' na aha mian nu Israel pogogaumo da motaapmo mokiijo' i Kaunyo nu Yordan, ka' mompinsoopimo lipu' anu Ku bee'mo hi aha.