PO'ULE' INGULIT 3:20 - KITAB NU TUMPU ALLA LELE MA'IMAI'

²⁰ Tulungi na to mia-mian bubuu' bansa miu sahingga aha monjojoongimo tano' anu nubee'je nu Tumpu Allah miu hi aha, i sasu kinsoban Kaunyo nu Yordan, ka' sahingga Tumpu nonsitujuimo aha tinumuu' ka' na'ima'mo kiijo' mae, susumo anu binau-Nyomo hi belemiu i aiya. Lapasje aitu ka' belemiu timbali minsusule' i tano' nu belemiu anu binee'kumo hi belemiu.

PO'ULE' INGULIT 3:20 ပူးပေါင်းရင်းမြစ်များ

NOMBILANGMO 32:18

Kami madi' minsusule' i laigan mami de ma'isa pe'e iwi-iwi' mian nu aha Israel mohumpak tano' bau pusaka' nu aha.

NOMBILANGMO 32:22

sahingga lipu' aijo' matundu'mo hi ia, jadi belemiu timbalimo minsusule' ka' bebasmo na belemiu kalana moko baumo apaa na anu pinalentahkonmo nu Tumpu ka' suele noko tulungimo to utu-utus nu belemiu, ka' nubee'mo nu Tumpu na tano' anu i sasu kabete'an aiya da belemiumo na tumpunyo.

PO'ULE' INGULIT 12:9

kalana belemiu ma'isa ninsoop i lipu' anu binee'mo nu Tumpu Allah nu belemiu hi belemiu, tampat anu tataapmo na kajojoongan nu belemiu, ka' madi'mo ko anu mompoposia.

PO'ULE' INGULIT 3:21

Lantas aku notataemo hi Yosua: Beleyum nontoamo iwi-iwi' apaa na anu binaumo nu Tumpu Allah miu hi Sihon ka' hi Og, ohu-ohu'a na tomundo aijo'. Sumo aijo'mo na Ia mombau toto samian na tomundo anu kahanda'mo nu ala nu beleyum na tano'nyo.

YOSUA 1:15

Belemiu tionyo ahi' montulungi aha sahingga aha jojoongmo i tano' sasu kinsoban Kaunyo nu Yordan aijo' anu binee'mo nu Tumpu Allah nu belemiu hi aha. De nubee'imo nu Tumpu ka'amanan ka' madi'mo ko anu mompoposia aha iwi-iwi' bansa Israel, atina'je ka' belemiu timbali minsusule' i posi tano' nu belemiu anu i sasu kabete'an nu Yordan aiya. Anu binee'mo i Musa posaihon nu Tumpu aijo' hi belemiu.”

YOSUA 22:2

“Belemiu nombaumo iwi-iwi' apaa na anu pinalentahkonmo i Musa hi belemiu, posaihon nu Tumpu aijo'. Ka' belemiu suele nontulutimo iwi-iwi' na palentah-ngku.

YOSUA 22:4

Sahingga susumo anu jinanji'-Nyomo, Tumpu Allah nu belemiu nombee'imo ka'amanan hi to utu-utus nu belemiu, mian nu Israel sangga'at. Jadi, uuka aiya pinsusule'mo i posi da'erah nu belemiu i sasu kabete'an Kaunyo nu Yordan aijo' anu binee'mo i Musa hi belemiu u'utu mae.