PO'ULE' INGULIT 3:2 - KITAB NU TUMPU ALLA LELE MA'IMAI'

² Panyo Tumpu notataemo hi belengku, ‘Boli mabuhuk Musa hi ia. Ku bee'mo na ia, suludadunyo ka' songko-songko na da'erahnyo hi belemiu. Bau na ia susumo anu pinombaumo nu belemiu Sihon, tomundo nu aha Amori anu nompalentah Hesybon.’

PO'ULE' INGULIT 3:2 ပူးပေါင်းရင်းမြစ်များ

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 43:5

Boli mabuhuk, kalana Ku jagaimo na beleyum. Lengkat mae ikinsoban tiba lengkat mae ikabete'an. Ku palentahmo mae na mompolee' nu beleyum da tokamo mae sihuk.

NOMBILANGMO 14:9

Boli panggaga hi Tumpu, ka' boli mabuhuk hi mian haha aijo' anu jojoong i lipu' kiijo', kalana dengke na kita mompatundu' aha. Anu monjagai aha nompala'imo aha, panyo Tumpu na monsangalui ahi kita. Jadi, boli mabuhuk.”

NOMBILANGMO 21:34

Tumpu notataemo hi Musa, “Boli mabuhuk hi ia. Ku bee'ije kauntungan de mahampate na beleyum. Ohungku'ije nu beleyum na ia, iwi-iwi' na miannyo ka' lipu'nyo. Yayamo na mombau aha susumo anu binaumo nu beleyum hi Tomundo Sihon anu nompalentahmo kiijo' mae i Hesybon.”

SISIKON NU TO RASUL-RASUL 18:9

Daagi' kino sampahuan, i uno nu anu tinoa, Tumpu notatae hi Paulus, “Boli mabuhuk! Sampamo potatae boli momohokot.

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

PO'ULE' INGULIT 20:3

‘To utu-utus soba potombihing mae! Sinaa aiya belemiu mambamo mahampate. Boli mabuhuk kabai hente na kinyonyoa kabai bata-bata!

PO'ULE' INGULIT 3:1

“Lapas aijo' kita nambamo i sasu utara da'erah nu aha Basan. I Og tomundo nu aha Basan nambamo mae tiba iwi-iwi' na suludadunyo nompahampateakonmo kita koko kota Edrei.

PO'ULE' INGULIT 3:11

I tomundo Og me sausa'nyo ia, na mian nu aha Refaim. Peti' pinongisian ia sinilaka batu na pina'at ko mantanyo opat na meten ka' ko bolanyo ohanimo ohua' na meten na sukatannyo anu tinantukan. Sampe tempo' uuka aiya daagi' timbali otoa kiijo' i Raba kota nu aha mian Amon.)

PO'ULE' INGULIT 3:3

Jadi Tumpu Allah-nto suele nombee'mo i Tomundo Og tiba layatnyo hi kita ka' aha iwi-iwi' opatundu'tomo.

YOSUA 10:8

Tumpu notataemo hi Yosua, “Boli mabuhuk hi aha. Ka'untungan mahampate Ku bee'mo hi belemiu, kalana aijo' samian pe'e na aha madi' moko ala totahan mongewa belemiu.”

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.