PO'ULE' INGULIT 3:16 - KITAB NU TUMPU ALLA LELE MA'IMAI'

¹⁶ Ka' hi to tulu-tulunan mae nu bansa Ruben ka' hi Gad binee'kumo na da'erah olotnyo nu Gilead tiba Kaunyo nu Arnon. Totonga'nyo nu kaunyo aijo' na salaku bau potempasan nu aha i sasu selatan, panyo sasu utara potempasan nu aha Kaunyo nu Yabok, ka' sambahagiannyo salakumo potempasan tiba lipu' nu aha Amon.

PO'ULE' INGULIT 3:16 ပူးပေါင်းရင်းမြစ်များ

KAJADIAN 32:22

Pihi-pihi aijo' i Yakub nobulamo lantas nomboamo ua-ua'aha na bengkele'nyo, ua-ua'aha na ambahue'nyo ka' sampulu' sa'angu' na to ana-anaknyo notaapmo i Kaunyo nu Yabok.

2 SAMUEL 24:5

Salatan aha noko potaapmo kaunyo nu Yordan, i Yoab tiba to sulu-suludadunyo binakemahmo i sasu salatan Aroër, sa'angu' na kota' i totonga' nu bangka'nyo anu kiijo' i da'erah nu Gad. Lengkat i kiijo' aha nambamo i Yaezer asasu utara.

NOMBILANGMO 21:24

Panyo aha nahampate aijo' manjoo' na suludadu nu aha Amori pinatean nu aha mian Israel. Lantas aha mian nu Israel nompalentahmo da'erah nu aha lengkat mae i Kaunyo nu Arnon tinoka-toka i Kaunyo nu Yabok; aijo'mo potempasan nu da'erah nu aha mian Amon, kalana potempasannyo aijo' mahoson na suludadunyo.

PO'ULE' INGULIT 2:37

Panyo kita madi' mongohani da'erah nu aha mian Amon kabai sohipi'nyo nu Kaunyo Yabok kabai kota-kota anu i da'erah nu bungkutnyo kabai tampat sangga'at mau pa' iya mae nupoliwa' nu Tumpu Allah-nto.”