PO'ULE' INGULIT 3:14 - KITAB NU TUMPU ALLA LELE MA'IMAI'

¹⁴ I Yair tulunan mae nu tulunan bansa Manasye nongalamo songko-songko na da'erah Argob, aijo'mo lengkat mae i Argob toka-toka mokiijo' i potempasan nu Gesur tiba Maakha. Ia nonsanggohi kampung haha aijo' binatukakonnyo i sanggonyo, ka' sampe tempo' uuka aiya daagi' talasanggo salaku kampu-kampung i Yair.)

PO'ULE' INGULIT 3:14 ပူးပေါင်းရင်းမြစ်များ

2 SAMUEL 10:6

Lapas aijo' aha mian nu Amon sininsumbu'je saba' kalakuan nu aha aijo' nonsabapimo da i Daud mongka'idekimo aha. Mokonyo aijo' aha nontamboimo ahamian nu Amon 20.000 na mian suludadu nu Siria anu jojoong i Bet-Rehob tiba Zoba, ka' mule' 12.000 na mian suludadu lengkat mae i Tob, tiba tomundo' nu Maakha ka' 1.000 na mian suludadunyo.

2 SAMUEL 13:37

I Absalom nopalaimo namba i laigan nu tomundo' nu lipu' Gesur, aijo' mo i Talmai anak i Amihur. Ia jinojoong kiijo' mae tinotolu' na taun na kinopinnyo. Pinin hondo na i Daud nontoongi adat nu tomate i Amnon,

2 SAMUEL 14:23

Lantas nambamo na i Yoab i Gezur nolaga i Absalom da minsusule'mo mae i Yerusalem.

2 SAMUEL 20:26

Imam ilaigan nu tomundo': i Ira anu lengkat mae i kota' Yair.

2 SAMUEL 3:3

I Kileab. Tinanyo i Abigail balu i Naban anu lengkat mae i Karmel. I Absalom. Tinanyo i Maakha anak boune nu Tomundo' Talmai lengkat mae i Gesur.

MAZMUR 49:11

Madi', memang ia montoaje saidi' mae saba' maumo ahi' mian anu pande suele ahi' mate. Mian anu talalo ahi' waweng ka' ponga' bubu' silaka, ka' mompala'imo halata'nyo baumo bagi nu mian sangga'at.

YEREMIA 40:8

Sahingga i Ismael anak i Netanya, i Yohanan anak i Kareah, i Seraya anak i Tanhumet, tiba to ana-anak i Efai lengkat mae i Netofa ka' mule' i Yezanya lengkat mae i Maakha nambamo tiba to mia-mian nu aha hi Gedalya kiijo' i Mizpa.

NOMBILANGMO 32:41

I Yair tulunan mae nu bansa Manasye nontumbuhimo ka' nompatundu'mo tinopia-piangkuka na kampung lantas sinanggohannyomo, “Kampung-kampung Yair”.

PO'ULE' INGULIT 3:13

Obagi ohua' na tulunan nu bansa Manasye sambagian binee'anku labinyo nu da'erah Gilead, ka' mule' da'erah Basan anu toho' pinalentah i tomundo Og, aijo'mo songko-songko na da'erah Argob.” (Basan talasanggo salaku lipu' nu aha mian Refaim.

PO'ULE' INGULIT 3:4

Tempo'nyo aitu ingalantomo iwi-iwi' na kota nu aha, madi' ko sa'angu' pe'e na madi' ingala. Iwi-iwi' anompulu' na kota na ingalanto i songko-songko na da'erah Argob anu nu palentah i Tomundo Og anu lengkat mae i Basan.

YOSUA 12:5

Da'erah anu nu palentah monsangkup Bungkutnyo nu Hermon, Salkha, tiba songko-songko na Basan kojo'onnyo toka-toka i da'erah nu Gesur tiba Makha; ka' suele monsangkup sambagian na da'erah nu Gilead kojo'onnyo toka-toka i da'erah anu nu kuasai nu tomundo Sihon i kota Hesybon.

YOSUA 13:13

Panyo aha anu jojoong i Gesur tiba i Makha madi' i laa' nu aha mian Israel; aha daagi' jinojoong i Israel.