PO'ULE' INGULIT 3:11 - KITAB NU TUMPU ALLA LELE MA'IMAI'

¹¹ I tomundo Og me sausa'nyo ia, na mian nu aha Refaim. Peti' pinongisian ia sinilaka batu na pina'at ko mantanyo opat na meten ka' ko bolanyo ohanimo ohua' na meten na sukatannyo anu tinantukan. Sampe tempo' uuka aiya daagi' timbali otoa kiijo' i Raba kota nu aha mian Amon.)

PO'ULE' INGULIT 3:11 ပူးပေါင်းရင်းမြစ်များ

KAJADIAN 14:5

Taun ko sampulu'nyo ka' opat, i Kedorlaomer ka' anu nosa'angu'mo tiba ia tinokamo nomboa suludadu nu aha ka' nompatundu'mo mian nu Refaim kiijo' i Asyterot-Karnaim, mian nu Zuzim kiijo' i Ham, mian nu Emim kiijo' i Syawe-Kiryataim,

KAJADIAN 6:15

Kapan aijo ko mantannyo 133 na meten, ko bolanyo 22 na meten, ka' ko tangkasnyo 13 na meten.

2 SAMUEL 11:1

To tomu-tomundo' biasanyo mamba mahampate kakona pilondekanmo nu kau'. Tempo'nyo taun aitu kau' ni londekmo i Daud nompalentahmo i Yoab da mambamo mahampate hingga-hinggat tiba to sulu-suludadu anu matangkas na pangkatnyo ka' aha iwi-iwi' na suludadu nu Israel; lantas aha nompatundu'mo mae mian nu Amon ka' nontumbuhimo mule kota' Rama. Panyo i Daud na jinojoong ahi' i Yerusalem.

2 SAMUEL 12:26

Tempo'nyo aitu i Yoab daagi hau-haunyo lewa' mahampate mongewa Raba puso nu kota' nu lipu' Amon, ka' malia'mo nu patundu'.

YEREMIA 49:2

Te madi'mo daagi' ko ahanyo mian nu Israel anu timbali mompo ago daerah aijo? Panyo tokaje mae na tempo'nyo Ku pojadije na mian anu jojoong i Raba, puso nu kota' nu lipu' Amon aijo' mohongomo ais nu pahampatean. Kota' aijo' mohobo'mo ka' kampung toto ise-ise anu idaerahnyo mopapumo ingko-ingkot. Lantas Israel po ule'mo mongala tano'nyo aijo' hi aha anu naipuan mae nongalamo.

YEHEZKIEL 25:5

Kota' Raba Ku bali'imo timbalimo tampat polaya'an unta ka' songko-songko na lipu' Amon timbalimo tampat polaya'an domba. Sahingga nu sumbu'je nu belemiu taalu' Akumo ahi' na Tumpu.’ ”

AMOS 1:14

Kalana aijo', Aku nombee'imo apu i to paga-pagan mesen i kota' Raba ka' nompapui to bente-bentengnyo. Tempo'nyo aijo' ahamo na hengge nu pahampatean, ka' pahampatean aijo' sumomo antong.

AMOS 2:9

Maumo sumo aijo', belemiu mian-Ku anu palesayamo, kalana belemiu sahingga Aku nohopu'imo mian nu Amori anu toto tangka'-tangkas susumo kau' cemara ka' mokuut susumo kau' terpentin.

PO'ULE' INGULIT 2:11

Susumo mian nu aha Enak aha suele osanggohi mian nu Refaim, panyo mian nu aha Moab monsanggohi aha mian nu Emim.

PO'ULE' INGULIT 2:20

Da'erah aijo' suele talasanggo salaku lipu' nu aha Refaim, sanggo nu bansa anu naipuan mae toho' jinojoong ikiijo', aha mian nu Amon monsanggohi aha koonyo mian nu Zamzumim.

YOSUA 12:4

Tomundo sangga'at anu pinatundu'mo nu aha mian Israel aijo'mo i Tomundo Og lengkat mae i lipu' Basan, anu jojoong i Asytarot ka' i Edrei. Ia sala'samian bansa Refaim anu daagi' tinontuha'.

YOSUA 13:12

Da'erah nu aha suele monsangkup da'erah anu nu palentah i Tomundo Og, aha mian nu Refaim anu pupuusnyo nompalentah Asytarot tiba Edrei. I Musa nompatundu'mo bansa haha aijo' ka' nolaa'mo aha da madi'mo jojoong i da'erah nu aha.

ANU PINOTO'I HI YOHANES 21:17

Salatan malaikat aijo' nongukunmo mesennyo, sinumbu'mo na kotangkasnyo nu mesen aijo' anompulu' na meten. Ukulan anu pinake nu malaikat aijo' atina'mo na ukulan anu nupake nu mian.

1 SAMUEL 17:4

Sahingga daagi ko samian anu baani na mahampate, sanggonyo i Goliat lengkat mae ikota' Gat nosabatmo mae i kemah nu aha mian Filistin da mongewamo eha mian no Israel. Kotangkasnyo kila-kila totolu' na meten,