PO'ULE' INGULIT 29:5 - KITAB NU TUMPU ALLA LELE MA'IMAI'

⁵ Patompulu' na taun na kopinnyo Tumpu nolaya'mo belemiu nontulu padang bola, panyo baju' ka' sandaan miu madi' naluso'.

PO'ULE' INGULIT 29:5 ပူးပေါင်းရင်းမြစ်များ

NEHEMIA 9:21

Pinatompulu' na taun na kinopinnyo i padang anu ewa hondo saja' pinosukup nu Belento iwi-iwi' apaa na kapalaluan nu aha. Baju' nu aha madi' toho' nahu', tengke nu aha madi' naleso kabai binangkak.

MAZMUR 78:24

Ia nontau'akonmo gandum lengkat mae i suluga', aijo'mo manna da nukaan nu aha.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

NOSABATMO 7:7

I Musa umunnyo 80 mo na taun, ka' i Harun 83 mo na taun, tempo'nyo aha mangadapmo hi tomundo nu Mesir.

NOMBILANGMO 14:33

Patompulu' na taun na kopinnyo to ana-anak nu belemiu mololo i padang bola. Kalana belemiu madi' tulu-tulutan, anak nu belemiu haha aijo mongoa'imo kasansala'an sampe to tu'a-tu'anyo anu daagi' mae i hampe i Mesir silakamo.

MATIUS 10:10

Boli mule' momboa botutu nu sadaka', kabai ohua' na paan na pakean bau kapalaluan nu lumambanannum, kabai sapatu, kabai tokon. Sabab mian anu mokalaja kakonannyomo na mohumpak tambo de ia palalumo.

PO'ULE' INGULIT 1:3

Tinoka tanggan saangu bituon sampulu ka'saangu i uno nu taun ko patompulu'nyo salatan aha nompala i Mesir, Musa nompoto'imo bangsa aijo iwi-iwi na pinalentah nu Tumpu da opotokakon hi aha.

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

PO'ULE' INGULIT 8:3

Ia nompojohokmo belemiu da mo'ohop, lantas belemiu binee'an-Nyomo manna da okaan. Daagi' pe'e u'utu mae belemiu ka' mompolee' miu ma'isa toho' nongkaan kaanon aijo'. Tumpu nombau sumo aitu da mongajan belemiu kalana manusia madi' tumuu' de ola kalana anu okaan, panyo maumo pa' apaa na anu nutaeakon nu Tumpu timbali bau kantumuu'an.

PO'ULE' INGULIT 8:4

Kopinnyo patompulu' na taun pihude miu madi' maluso ka' tengke miu madi' ahi' bangkak.

YOSUA 9:13

Ka' pongisian anggur aiya daagi' bu'ou tempo'nyo kami nongisi; panyo uuka aiya, toamo! Nobea-beakmo. Baju' mami ka' sapatu mami na'idekmo kalana majo'on na i lajangan mae aiya.”

YOSUA 9:5

Aha nompusok baju' anu nogea-geatmo tiba sapatu anu manau'mo ka' pinaha tambanmo.