PO'ULE' INGULIT 28:8 - KITAB NU TUMPU ALLA LELE MA'IMAI'

⁸ Tumpu Allah nu belemiu mombalakatije apaa na anu obau nu belemiu ka' mongisije alang miu iwi-iwi' nu gandum. Ia mombalakatije belemiu i lipu' anu binee'-Nyomo hi belemiu.

PO'ULE' INGULIT 28:8 ပူးပေါင်းရင်းမြစ်များ

2 TOMU-TOMUNDO' 6:27

Tinaaman i tomundo', “De Tumpu madi' montulungi beleyum te aku moko ala montulungi? Aku madi' ko anggur kabai gandum anu o inum!

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 128:2

Beleyum mongkaanmo hasin nu anu nu kalaja, kantumuu'an sukupmo ka' mongoa'imo kasanangan.

MAZMUR 133:3

Kabai sumomo dondu'ok i Bungkutnyo nu Hermon, anu no'ilimo nokaiyong i puge'nyo nu Sion. Ikiijo'mo mae na Tumpu montudunakon balakat-Nyo, kantumuu'an sampe toka sidu-sidutu'.

MAZMUR 144:13

O'amalakon da alangto iwi-iwi' mobuke'mo nu isinyo, mongangahan na isinyo nu ale'. O'amalakon da dombanto iwi-iwi' anu kiijo' mae i tampat padang, minganakmo sampe mopulu-pulu'mo na madala na konjo'nyo.

MAZMUR 44:4

Tano' aijo' madi' pino ago nu aha nonggunakon bajak misa' ola posi kahosonan nu butong nu aha sahingga aha inguntungmo na nahampate, panyo kalana kakuasa'an tiba jingka salaku tanda daagi' ko Belento hi aha kalana Belento na sanang ahi' hi mian anu palesayamo hi Belento.

IMAMAT 25:21

I taun ko anomnyo Tumpu mombalakatije tano' sahingga hasinnyo nu sukupi totolu' na taun.

IMAMAT 26:10

Isi nu ale' nu belemiu molabi-labimo sahingga sukupmo na anu okaan sataun. Ka' mule' belemiu tantu monsabatakonmo labinyo nu anu pinadak pininmo da tampatnyo ponguna'anmo anu sala'je pinadak.

HAGAI 2:19

Maumo ahi' madi'mo ko gandum anu tinontuha' tiba kau' anggur, kau' ara, kau dalima, tiba kau' zaitun anu ma'isa nimbua' panyo mulai sinaa uuka Aku mombalakatimo belemiu!”

MATIUS 13:30

Pojohokmo na padang haha aijo' tumuu' hingga-hinggat toka tempo'nyo mompadak. Tanda'i, kutaloakonje hi to mia-mian anu mompadak'. Limu'akon pe'e na padang haha aijo', obutu'i ka' o papui. Lapas aijo' limu' na gandumnyo, ka' o uno i uno nu alang.’ ”

MATIUS 6:26

Toa na tomonsi' i langa. Aha madi' mosu'an, madi' mompadak, ka' madi' mule' mompolimu' hasin anu sinu'annyo i uno nu alang. Mau mule' sumo aitu Tuumaum anu i suluga' mompotuu' aha! Te misa' komiu lebe ko angga'nyo molingkudui tomonsi'?

LUKAS 12:18

Lapas aijo' ia binapikin mule' ka' notatae hi posi butongnyo, ‘Ah, aku ko pikilan; gudangku iwi-iwi' ku poki ideimo, lantas ku potinjo na anu lebe daka'. I kiijo' na ponguna'anku gandumku iwi-iwi' tiba to langke-langkengku sangga'at.’

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

PO'ULE' INGULIT 15:10

Tiba kinyonyoa anu sanang ka' halala' na mombee' hi ia, sahingga Tumpu Allah nu belemiu mombalakatije iwi-iwi' na anu obau miu.

PO'ULE' INGULIT 15:4

Nubalakatije nu Tumpu Allah nu belemiu na belemiu i lipu' anu binee'-Nyomo hi belemiu. Sahingga atina' hi bansa miu madi' ko anu kasiasi,

PO'ULE' INGULIT 28:20

De belemiu mombaumo anu ma'idek, ka' madi'mo mompajuli Tumpu, Nu potokamo saidi' mae na balaa', kahengge'an, kasusa'an i han iwi-iwi' apaa na anu obau nu belemiu, sahingga i uno nu tempo' anu madi' pin, belemiu opateimo iwi-iwi'.

PO'ULE' INGULIT 28:7

De belemiu otumbuhimo, Tumpuje na mohungku'i sampobali' nu belemiu. Mau tangatunmo ka' mahosonmo na aha montumbuhi mae, panyo aha malai ka' mosubali.