PO'ULE' INGULIT 28:68 - KITAB NU TUMPU ALLA LELE MA'IMAI'

⁶⁸ Tumpu po'ule'mo momboa belemiu mamba mokiijo' i Mesir sumake' kapan, mau mule' Ia toho'mo notatae tukoo-Nyo belemiu madi'mo po'ule' minsusule' mokiijo'. Ikiijo' mae belemiu mompobalukmo butong nu belemiu da timbalimo posaihon hi sampobali' nu belemiu, panyo madi' ko samian pe'e na anu mongka'oho' mongoli belemiu.”

PO'ULE' INGULIT 28:68 ပူးပေါင်းရင်းမြစ်များ

YEREMIA 44:12

Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

YEREMIA 43:7

Aha madi'mo nontuluti palentah nu Tumpu, lantas nambamo i Mesir sampe-sampe tinoka i kota' Tahpanhes na kojo'onnyo.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

PO'ULE' INGULIT 17:16

Tomundo madi' timbali ko ajahan manjoo' anu nusake'i nu suludadunyo ka' madi' timbali mompalentah bansa aiya minsusule' i Mesir mamba mongoli ajahan kalana Tumpu notataemo tukoo-Nyo mian anu pinalesayamo hi Ia madi'mo timbali minsusule' i lipu' aijo'.

ESTER 7:4

Kalana aku tiba bansangku pinobalukmo da opatei. De kami ola ahi' pinobaluk ka' obau posa-posaihon yo aku ola ahi' momohokot, ka' madi' mompoposia belento Tomundo. Panyo uuka aiya kami opateimo ka' ohopu'imo ingko-ingkot!”

NEHEMIA 5:8

ka' pinoto'ingkumo, “Kita binala'usahamo hondo totu-totu'u nontokongi to utu-utusto mian nu Yahudi anu paya bemanau' nompobalukmo butongnyo hi bansa anu i salipu'an. Panyo uuka aiya belemiumo mule' ahi' na mompakisa aha da mompobaluk butong nu aha hi belemiu, padahan belemiu suele bubu' mian nu Yahudi!” To pola-polaya' haha aijo' madi' noko ala nontaami maumo pe'e ola santaa'.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

LUKAS 12:45

Panyo de pokauhon aijo' motatae i uno nu kinyonyoanyo, ‘Tuanku daagi' pin minsusule'je mae,’ lantas dinokenyo iwi-iwi' na posaihon, ka' nongkaan nonginum sampe nalangu,

PO'ULE' INGULIT 28:67

Maumo pa' apaa na anu otoa nu belemiu sule nu belemiu langkakatanmo kalana mabuhukmo. Daagi' subu belemiu monggaganmo da malomo, ka' de malomo belemiu monggaganmo da subu-subumo.

PO'ULE' INGULIT 29:1

Aiyamo na anu pinoto'i i uno nu palajanjian, ka' anu pinalentahkonmo nu Tumpu, ka' binaumo i Musa hi bansa Israel tempo'nyo kiijo' mae i tano' nu Moab. Palajanjian aijo' salaku bau pontuangi palajanjian anu binaumo nu Tumpu tiba aha i Bungkutnyo nu Sinai.

NOSABATMO 13:17

Salatan pinobee'mo nu tomundo Mesir na bansa Israel namba, Tumpu Allah madi' nomboa aha notulu jalan anu monsahak lipu' Filistin, mau mule' aijo' ahi' na jalan anu magontop. Tinutugan nu Tumpu Allah? “Boli-boli mian haha aijo' mompele-pele'mo de montoamo aha tantu mahampatemo lantas po'ule'mo minsusule' i Mesir.”