PO'ULE' INGULIT 28:60 - KITAB NU TUMPU ALLA LELE MA'IMAI'

⁶⁰ To panya-panyakit anu okabuhuk anu tinoamo nu belemiu kiijo' mae i Mesir na mongkonamo belemiu, ka' madi'mo ma'alin na belemiu.

PO'ULE' INGULIT 28:60 ပူးပေါင်းရင်းမြစ်များ

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 9:14

Uuka aiya Aku mompotokamo balaa' misa' ola hi aha mian anu ko pangkatnyo ka' hi layat, panyo suele hi belento, da nusumbu' nu belento taalu' madi' ko anu moko ala mompokakanai Aku i songko-songko na dunia.

AMOS 4:10

Ku pakatuimo panyakit anu molele hi belemiu susumo anu pinakatung-Ku nokiijo' i Mesir. To oli-olitau ka' to lalangkoyang nu belemiu pinatean-Kumo i pahampatean, ka' to aja-ajahan nu belemiu ingagoanmo. Inguna'an-Ku mo na kemah nu belemiu – tiba to maya-mayat anu nabusikmo nonsongutmo suung. Maumo sumo aijo' belemiu madi' ahi' minsusule' mae hi beleng-Ku.

PO'ULE' INGULIT 28:27

Tumpu mohukumo belemiu nu to bisu-bisun susumo anu binau-Nyomo hi aha mian nu Mesir. Butong nu belemiu nukonamo nu sagala anu saja' minana' ka' kumahut anu mombalasi, panyo madi' ko pakuli'nyo.

PO'ULE' INGULIT 28:59

Tumpu mompotokamo mae hi belemiu ka' hi lee' nu belemiu to panya-panyakit anu madi' opoko ala opa'alin ka' panyakit anu molele anu madi' opoko ala opakuli'i.

PO'ULE' INGULIT 7:15

Belemiu nujagai nu Tumpu da boli nukona nu panyakit ka' iwi-iwi' na balaa' nupojo'on nu Tumpu susumo anu tinoamo nu belemiu i Mesir, panyo balaa' haha aijo' nu pokona hi to mia-mian anu mompaha bali' tiba belemiu.