PO'ULE' INGULIT 28:56 - KITAB NU TUMPU ALLA LELE MA'IMAI'

^56-57 Sadang boune tulunan nu mian daka' anu talasanggo ka' ma'ima' na kinyonyoanyo ka' anu kaya hondo sahingga madi' toho' lumajang tengke, mombaumo sumo aijo' suele. Salatan sampobali' nu aha nontumbuhimo mae kota aijo', boune aijo' hentemo na kinyonyoanyo kalana mo'ohopmo, sahingga hoko-hokot kinaannyomo na anaknyo anu sala'je pinohampenyo tiba tobuni'nyo. Mau ola sangkiding madi' binee'annyo na langkai'nyo anu nu kanonongi kabai hi to ana-anaknyo.

PO'ULE' INGULIT 28:56 ပူးပေါင်းရင်းမြစ်များ

YESAYA 3:16

Tumpu notatae, “Buulon hondo na to bou-boune nu Yerusalem! Aha saja' honbagaya ka' saja mata kalajang ka' mule' aha lumajang saja' kotige-tige. Aha lu majang sumo anu obau-bau ka' gilinsingan na galang nu tengkenyo.

YESAYA 47:1

Tumpu notatae, “O, Babel pintatau', bolimo sumuhang atina' ikadela nu beleyum, ka' suhangmo i abu'. Beleyum madi'mo nompokopiani butong ka' madi'mo natopos susumo naipuan mae.

YEREMIA 6:2

Kota' Sion handa hondo, panyo nu hansunimo nu Tumpu;

MOHAANGI 4:10

Talalo hondo okabuhuk na balaa' aijo' anu nontuda'i mo mianku anu palesayamo sahingga to tina-tina anu ma'ima' na kinyonyoanyo nongunjangmo posi anaknyo da bau pongisi kompong.

MATIUS 11:8

Komiu mamba da montoa apaa? Samian anu mipake ma'ima'? To mia-mian anu mipake sumo aijo', jojoong i laigan nu tomundo'!

PO'ULE' INGULIT 28:54

Sadang tulunan nu mian daka' pe'e anu talasanggo ka' ma'ima' na kinyonyoanyo tempo'nyo aha otumbuhimo aijo' suele hentemo na kinyonyoa, sahingga posi to ana-anaknyo nukaanmo kalana madi'mo ko anu okaan sangga'at. Mau pe'e ola sangkiding ia madi'mo mombee'i utusnyo kabai bengkele'nyo anu nu kanonongi kabai to ana-anaknyo anu daagi' tutuu'.