PO'ULE' INGULIT 28:54 - KITAB NU TUMPU ALLA LELE MA'IMAI'

^54-55 Sadang tulunan nu mian daka' pe'e anu talasanggo ka' ma'ima' na kinyonyoanyo tempo'nyo aha otumbuhimo aijo' suele hentemo na kinyonyoa, sahingga posi to ana-anaknyo nukaanmo kalana madi'mo ko anu okaan sangga'at. Mau pe'e ola sangkiding ia madi'mo mombee'i utusnyo kabai bengkele'nyo anu nu kanonongi kabai to ana-anaknyo anu daagi' tutuu'.

PO'ULE' INGULIT 28:54 ပူးပေါင်းရင်းမြစ်များ

2 SAMUEL 12:3

panyo mian anu kasiasi aijo' ola sa'angu' na anak nu domba anu ingolinyo. Anak nu domba aijo' pinotuu'nyomo sahingga dinaka'mo ilaigannyo hingga-hinggat tiba to ana-anaknyo. Anak nu domba aijo' nu bee'i mongkaan kaanon anu nu kaan nu mian aijo', ka' mule' monginum i mangko'nyo ka' hoyot i kamale'annyo; memang ahi' nu bau susumo posi anaknyo boune.

MAZMUR 103:13

Susumo tuuma mongkalibosi to ana-anaknyo, sumo aijo'mo na Tumpu mongkalibosi mian anu tulu-tulutan hi Ia.

AMSAL 23:6

Boli mongkaan hingga-hinggat tiba mian anu matongot. Boli mule' mongkamilui kaanonyo anu toto ima-ima'.

AMSAL 28:22

Mian anu mangoa mongka'oho' da malia' kaya; madi' nusumbu' saba' kasiasi malia'mo montokai ia.

YESAYA 49:15

Tumpu nontaamimo mae, Ia notatae, “Tetoho' mule' samian na tina nu anak mongkolilimi anaknyo, ka' madi'mo mongkalibosi anak anu kinandungnyomo? Maumo ahi' ia na mongkolilimimo, panyo Aku na madi' ahi' mongkolilimi beleyum!

MIKHA 7:5

Boli mompalesaya anu mompaha ohani laigan nu belemiu, boli montaha'imani sangko sangalu nu belemiu. Obala'ingati na belemiu motatae, mau mule' anu mohongo posi bengkele' nu belemiu.

MATIUS 11:8

Komiu mamba da montoa apaa? Samian anu mipake ma'ima'? To mia-mian anu mipake sumo aijo', jojoong i laigan nu tomundo'!

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

PO'ULE' INGULIT 13:6

De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

PO'ULE' INGULIT 15:9

Sabole-bole oposaboni na ia, ka' boli bau sabab tukooyum taun anu ponghapusanmo samaya' ohanimo. Boli obau na pikilan anu ma'idek susumo aijo' minsoop i kinyonyoa nu belemiu. De madi' mongka'oho' momposabon, mian aijo' motataemo hi Tumpu mongkalak belemiu, sahingga belemiu opoto'i sinala'mo.

PO'ULE' INGULIT 28:53

Hau-haunyo iwi-iwi' na sampobali' nu belemiu montumbuhimo mae kota nu belemiu iwi-iwi', hentemo na kinyonyoa nu belemiu kalana tempo' nu ohop tinokamo sahingga to ana-anak nu belemiu okaanmo nu belemiu, to ana-anak anu binee'mo nu Tumpu Allah nu belemiu hi belemiu.