PO'ULE' INGULIT 28:41 - KITAB NU TUMPU ALLA LELE MA'IMAI'

⁴¹ Belemiu mohumpak to ana-anak mo'ane ka' to bou-boune panyo aha singkaap o hakop de mahampatemo, sahingga madi'mo ko ahanyo hi belemiu.

PO'ULE' INGULIT 28:41 ပူးပေါင်းရင်းမြစ်များ

2 TOMU-TOMUNDO' 24:14

I Tomundo' Yoyakhin, tinanyo, to bengke-bengkele'nyo, to mia-mian anu ko pangkatnyo tiba to pola-polaya' nu Yehuda – iwi-iwi'mo 7.000 na mian anu toto pande-pande – i hakopmo ka' binoamo i Babel. Ka' suele anu toto pande-pande na mombau apa-apaa ka' tukang besak konjoo'nyo 1.000 na mian. Iwi-iwi' anu toto hoso-hoson ka' to babaani mahampate. To mia-mian lee' nu tomundo' ka' to mia-mian anu talasanggo suele binoamo i tampat pompojoongan – iwi-iwi'mo 10.000 na mian. Kinoboli' iwi-iwi'mo na mian anu jojoong i Yerusalem pinaha boamo; anu jinojoong me mian anu kasiasi hondo.

2 TAWARIKH 28:8

Maumo to mia-mian nu Yehuda sa'a-sa'angu'mo na bansa tiba bansa Israel, panyo suludadu nu Israel nohakopmo aha 200.000 na to bou-boune ka' to ana-anak, ka' binoamo nu aha i Samaria tiba balang manjoo' hondo na anu pinahuhuakonmo nu aha.

YESAYA 65:23

Iwi-iwi' na anu nu bau nu aha ko hasinnyomo, ka' to ana-anak nu aha madi' saitotolo' silakamo. Aha tiba lee' nu aha, Ku balakatimo sampe toka sidu-sidutu'.

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

DANIEL 1:3

Lapas aitu i tomundo' nompalentahmo i Aspenas kapala nu auwan i laigan nu tomundo' da mompile'i aha anu ihakop ka' binoamo mae aijo' anu aijo' hi aha mian nu Israel, to pia-piangkuka na to oli-olitau tulunan nu tomundo' kabai anu ko ninitannyo mae nu aha mian daka'.

MIKHA 1:16

O, mian nu aha Yehuda guntingimo na ubak nu belemiu da bau salaku tanda saba' to ana-anak nu belemiu anu okalibosi hondo nu belemiu silakamo. Kiismo na ubak nu belemiu sampe longkung susumo tomonsi' anu pangkaan bangke' nu binatang kalana to ana-anak nu belemiu oboamo itampat anu bau pompojoongan aha.

PO'ULE' INGULIT 28:32

I ahop nu mata miu to ana-anak nu belemiu obee'mo salaku posaihon hi mian anu lengkat mae i salipu'an. Sansina-sinaa mata nu belemiu malanitmo na molio to ana-anak nu belemiu, panyo usaha nu belemiu madi' mingkaliangan, kalana aha madi'mo mae minsusule'.