PO'ULE' INGULIT 28:4 - KITAB NU TUMPU ALLA LELE MA'IMAI'

⁴ Obalakatimo na belemiu sahingga to ana-anak nu belemiu manjoo', isi nu ale 'miu molabi-labimo, ka' sapi' tiba mee', ka' domba nu belemiu mompaka pintuangmo.

PO'ULE' INGULIT 28:4 ပူးပေါင်းရင်းမြစ်များ

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

KAJADIAN 39:5

Mulai tempo'nyo aitu kalana i Yusuf, Tumpu nombalakatimo aha salaigan mian nu Mesir aijo' ka' iwi-iwi' apaa na halata' nu aha, mau anu i laigan ka' suele anu i ale'.

KAJADIAN 49:25

Tumpu Allah nu tuuma nu beleyum na montulungi beleyum; Anu Daka' hondo na kuasanyo na mombalakati beleyum, aijo'mo ujan lengkat mae i langit ka' uee lengkat mae i uno nu tano'. Tiba anak ka' sapi', gandum ka' buhaknyo.

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

MAZMUR 127:3

To ana-anak anu binee' nu Tumpu memang, aha aijo' sa'angu' na balakat.

MAZMUR 128:3

Bengkele' nu beleyum sumomo kau' anggur anu molumba'mo, i uno nu laigan nu beleyum. To ana-anak nu beleyum sumomo sumpe nu kau' zaitun montiikubimo meja' nu beleyum.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

AMSAL 13:22

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

AMSAL 20:7

To ana-anak untung hondo de ko tuumanyo anu manonong ka' kantumuu'annyo madi' tageo' na kinyonyoa.

IMAMAT 26:9

Ku balakatimo na belemiu, ka' momponjoo'je makumpu nu belemiu. Apaa na anu jinanji'-Kumo hi belemiu tionyo ahi' Ku ganapi.

PO'ULE' INGULIT 28:11

Belemiu obalakatije da mohumpak anak manjoo'. Potuu'on nu belemiu timbalimo manjoo' ka' isi nu ale'miu molabi-labimo i lipu' anu jinanji'mo nu Tumpu hi mompolee' nu belemiu anu binee'mo hi belemiu.

PO'ULE' INGULIT 28:18

Okutukimo na belemiu, sahingga ola sangkiding na anak nu belemiu, isi nu ale' miu, tiba sapi' ka' mee' ka' domba nu belemiu.

PO'ULE' INGULIT 28:3

Obalakatimo na kota-kota ka' iwi-iwi' na ale' nu belemiu.

PO'ULE' INGULIT 28:5

Obalakatimo na gandum nu belemiu anu pinadakmo ka' mule' kaanon anu gandum na binau.

PO'ULE' INGULIT 7:13

Nu kalibosije ka' Nu balakatije na belemiu, sahingga anak nu belemiu manjoo'mo ka' konjoo'nyo mompaka pintuangmo. Nu balakatije na ale' nu belemiu iwi-iwi' sahingga mohasinakonmo gandum, anggur ka' lanya' nu zaitun. Nu balakatije na belemiu sahingga manjoo'mo na sapi' ka' mee' ka' domba nu belemiu. Iwi-iwi' na balakat aijo' ohumpakje nu belemiu i lipu' anu nubee'mo nu Tumpu hi belemiu, susumo anu jinanji'-Nyomo hi mompolee' nu belemiu.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.