PO'ULE' INGULIT 28:30 - KITAB NU TUMPU ALLA LELE MA'IMAI'

³⁰ De belemiu madi'mo montuluti Tumpu Allah nu belemiu, apaa na anu sinanggomo aiya mongkonamo butong nu belemiu: Belemiu modohoi, panyo mian sangga'at na mongosoai dohoi miu. Belemiu mompotinjomo laigan, panyo madi' ojojoongi miu. Belemiu monsu'animo ale' nu anggur, panyo madi' okaan na bua'nyo.

PO'ULE' INGULIT 28:30 ပူးပေါင်းရင်းမြစ်များ

2 SAMUEL 12:11

Ku sumpa'akon na beleyum da nu tokai mae nu balaa' anu lengkat mae hi posi sa'anakan nu beleyum. Ku ala na to bengke-bengkele' nu beleyum i ahop nu mata nu beleyum ka' Ku bee' hi mian sangga'at anu mongkamale'i aha sonsu'un sinaa.

AYUB 20:18

Iwi-iwi' na ka'untungannyo tionyo ahi' nu sule'akonmo; apa-apaa na anu i humpaknyomo madi'mo nu oa'i na kasanangannyo.

AYUB 3:18

Ka' mian anu i hakopmo sanangmo na kinyonyoanyo, madi'mo lewa' mohumpak pondoke hi mian anu monjagai.

AYUB 31:10

saba' bakasmo da bengkele'ku mongunjangakon anu nu kaan nu mian sangga'at; bakasmo da aita' i koi nu mo'anemo sangga'at, na mongkamale'imo ia.

YESAYA 62:8

Tumpu nonsumpa'mo palajanjian-Nyo ka' nu pojadimo nu kuasa-Nyo: “Aku madi'mo daagi' mombee' gandum nu beleyum hi sampobali' nu beleyum; anu kinalaja nalawe hondo nu beleyum sampe nohumpak hasinnyo.

YEREMIA 12:13

Mian anu palesayamo hi beleng-Ku montugan gandum panyo ola ahi' hii' na ihumpak na hasinnyo. Aha binala usahamo ahi' totu-totu'u, panyo usaha nu aha madi' ahi' ko anu ihumpak apa-apaa. Aku notambuha'mo hondo' sahingga madi'mo jinadi na aha nohumpak bua'nyo.”

YEREMIA 6:12

Laigan nu aha obee'mo hi aha mian sangga'at, sumo aijo' mule' ale' tiba bengkele' nu aha. Mian anu jojoong ilipu' aiya Ku hukumo.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

MOHAANGI 5:11

To bou-boune i Sion pinasala'mo nu mian ka' to lalangkoyang ikampung-kampung Yehuda lewa'mo binia-biangakon.

MOHAANGI 5:2

Halata' pe'e nu mompolee' mami tinoonganmo nu mian sangga'at, to lai-laigan mami jinojoonganmo nu mian anu isalipu'an.

HOSEA 4:2

Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

MIKHA 6:15

Belemiu montugan gandum panyo madi' ahi' mohumpak hasinnyo. Bua' nu zaitun obau nu belemiu lanya' panyo madi'mo moko ala mompake lanya'nyo. Belemiu mompao' anggur da o'ala na ueenyo panyo madi' jadi na monginum.

HABAKUK 3:17

Maumo kau' ara madi' ko bua'nyo, ka' kau' anggur madi' nimbua' anggur; mau pe'e pontipuanmo zaitun panyo madi' ko apa-apaa na anu ihumpak ka' hasin nu gandum i ale' suele madi'ko anu ihumpak, sadangkan iwi-iwi' na domba inatemo, ka' pangkun nu potuu'on madi'mo ko isinyo,

ZEFANYA 1:13

Halata' nu aha saidi' mae o agoimo ka' iwi-iwi' nalaigan nu aha ohansunimo. Aha saidi' mae mombaumo laigan panyo madi'mo nu jojoongi nu aha. Aha saidi' mae mongusahakonmo ale' nu anggur panyo madi' monginum anggur nyo.”

PO'ULE' INGULIT 28:31

Sapi' nu belemiu o kolotmo i ahop nu mata miu, panyo madi' okaan nu belemiu na antoknyo. Keledai nu belemiu singkaapmo o hela' ka' oboa hau-haunyo belemiu montonto'i ia ka' madi'mo osule'akon mae. Domba miu singkaapmo obee' hi sampobali' nu belemiu iwi-iwi' ka' madi'mo ko anu montulungi.