PO'ULE' INGULIT 28:25 - KITAB NU TUMPU ALLA LELE MA'IMAI'

²⁵ De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 28:25 ပူးပေါင်းရင်းမြစ်များ

1 TOMU-TOMUNDO' 8:33

De mian nu Israel anu pinalesayamo hi Belento nu patundu'mo nu sampo' bali'nyo iwi-iwi' kalana binaladosa'mo lantas aha po'ule'mo balatobat hi Belento ka' mongadatimo Belento salaku Tumpu, lapas aijo' mambamo mae i laigan ponsomban aiya ka' balado'amo momoita da o ampuni nu Belento,

2 TAWARIKH 28:8

Maumo to mia-mian nu Yehuda sa'a-sa'angu'mo na bansa tiba bansa Israel, panyo suludadu nu Israel nohakopmo aha 200.000 na to bou-boune ka' to ana-anak, ka' binoamo nu aha i Samaria tiba balang manjoo' hondo na anu pinahuhuakonmo nu aha.

2 TAWARIKH 29:8

Lantas Tumpu notambuha'mo sahingga nohukumo mian nu Yehuda ka' Yerusalem. Ka' belemiu iwi-iwi' nonsumbu'mo apaa na anu binaumo nu Tumpu aijo' nompotolokengkengmo ka' kinabuhukmo.

2 TAWARIKH 6:24

De mian nu Israel anu pinalesayamo hi belento nupatundu'mo nu sampo bali' nu aha kalana aha binaladosa'mo, lantas mompele-pele'mo ka' po'ule'mo mongadati belento salaku Tumpu, lapas aijo' tokamo mae i Laigan nu Belento aiya ka' balado'amo momoita ampun hi belento,

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

YEHEZKIEL 23:46

Tumpu Anu Matangkas na Kuasanyo notatae, “Lagamo mae na sanggombu na mian da monsakisamo ka' montololangimo ua-ua'aha na anu sasaja' masala' aijo'.

HOSEA 8:3

panyo aha madi' mongka'oho' montalima apaa na anu ma'ima'. Mokonyo aijo' aha nu loloi'mo nu sampobali' nu aha.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

PO'ULE' INGULIT 28:7

De belemiu otumbuhimo, Tumpuje na mohungku'i sampobali' nu belemiu. Mau tangatunmo ka' mahosonmo na aha montumbuhi mae, panyo aha malai ka' mosubali.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

YOSUA 7:4

Jadi anu mamba montumbuhi kota aijo' ola totolu' na madala na mian, panyo madi' pinoko ala nu aha, aha ola nalai mae.

1 SAMUEL 4:10

Lapas aijo' nahampatemo na aha mian Filistin, nahampate totu-totu'u ka nohungku'imo suludadu nu Israel. Mian nu Israel nompalentahmo suludadu nu aha da minsusule'mo i kemah nu aha toto samian. Talalomo hondo na aha nahungku aijo'; 30.000 na suludadu nu Israel sinilaka.