PO'ULE' INGULIT 28:22 - KITAB NU TUMPU ALLA LELE MA'IMAI'

²² Tumpu mohukumo belemiu iwi-iwi' nu panyakit anu molele, singkaap bangkak ka' monsihabi. Nu potokamo mae na posinaa daka' ka' mombun anu montoyo'i, sahingga anu opadak nu belemiu ma'idekmo. Balaa' haha aijo' saja'mo mongkona belemiu sampe belemiu silaka.

PO'ULE' INGULIT 28:22 ပူးပေါင်းရင်းမြစ်များ

1 TOMU-TOMUNDO' 17:7

Madi' pinin, panga'nyo nu kaunyo aijo' suele no'otimo kalana madi'mo daagi' kino ujannyo.

1 TOMU-TOMUNDO' 8:37

De lipu' aiya nu tokai nu kasusa'an i anu o kaan kabai panyakit anu molele ka' anu o su'an iwi-iwi' ola manggas nu posinaa, koe'on kabai nu kekedi nu kihi-kihi', kabai de mian anu pinalesayamo hi Belento nu tumbuhi nu sampo bali' kabai nu tokai mae nu panyakit,

2 TAWARIKH 6:28

De lipu' aiya kakulanganmo i anu o kaan kabai panyakit anu molele tokamo mae i lipu' aiya, kabai tempo' nu posinaa tokamo sahingga anu osu'an ola manggas, kabai koe', kabai kihi-kihi', kabai de mian anu pinalesayamo hi belento aiya nutumbuhimo mae nu sampo bali', kabai nutokamo mae nu panyakit,

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEREMIA 16:4

Aha silakamo nu kona nu panyakit anu ahi' monsilakaimo, ka' mule' aha silakamo i uno nu pahampatean kabai silaka kalana tempo' nu kasusa'an i anu okaan. Madi'mo daagi' ko samian anu mohangi kabai molamun aha. Bangke' nu aha mo enamo susumo pupuk i uno nu tano' ka' nu tolukmo nu tomonsi' tiba binatang anu mahangas.

IMAMAT 26:16

belemiu Ku hukumo. Ku potokamo mae na balaa' hi belemiu, panyakit ka' nusihabimo anu madi'mo opoko ala opakuli'i sahingga mata nu belemiu mapisokmo ka' belemiu tumuu'mo susa'. Belemiu mosu'an sosu'anon panyo madi' mongkaan hasinnyo, kalana anu monsampobali' belemiu toka mae mompatundu' belemiu ka' mongingkotimo apaa na anu sinu'anmo nu belemiu.

AMOS 4:9

Ku puhakon mae na mombun mapanas ka' Ku pakatui panyakit anu mongidei anu sinu'an, ka' ale' nu anggur nu belemiu. To kau-kau' ara ka' to kau-kau' zaitun nu belemiu ningkotmo na kinaan nu kihi-kihi'. Maumo sumo aijo' belemiu madi' ahi' minsusule' mae hi beleng-Ku.

HAGAI 1:11

Pinotokang-Kumo mae na sinaa nontimpa'i tano' ka' to puge-puge'nyo ka' mule' sinin na ale' nu gandum ka' mule' sinin na ale' nu zaitun ka' iwi-iwi' na anu sinu'an i tano' aiya nanggasmo ka' suele manusia tiba binatang iwi-iwi' anu ingusahakonmo nu belemiu.”

HAGAI 2:17

Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

HAGAI 2:19

Maumo ahi' madi'mo ko gandum anu tinontuha' tiba kau' anggur, kau' ara, kau dalima, tiba kau' zaitun anu ma'isa nimbua' panyo mulai sinaa uuka Aku mombalakatimo belemiu!”

ZAKHARIA 14:12

Tumpu mompotokamo mae panyakit anu okabuhuk hi aha iwi-iwi' na bansa anu nompahampateakonmo nongewa Yerusalem. Mata tiba jila' nu aha ka' mule' songko-songko na butong nu aha mabusikmo maumo ahi' daagi' tutuu'.

PO'ULE' INGULIT 28:23

Ujan madi'mo tudun ka' tano' nu belemiu bengkengmo susumo besak.

PO'ULE' INGULIT 32:24

Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.

PO'ULE' INGULIT 4:26

Langit ka' tano' na timbali sakisi sinaa aiya de maluannyo belemiu madi' tulu-tulutan hi belengku, belemiu malia-lia' sampa mate i tano' anu o jojoongi miu i santoa nu Kaunyo Yordan aijo'. Belemiu madi' pin na jojoong ikiijo', belemiu opateimo ingko-ingkot.