PO'ULE' INGULIT 28:20 - KITAB NU TUMPU ALLA LELE MA'IMAI'

²⁰ De belemiu mombaumo anu ma'idek, ka' madi'mo mompajuli Tumpu, Nu potokamo saidi' mae na balaa', kahengge'an, kasusa'an i han iwi-iwi' apaa na anu obau nu belemiu, sahingga i uno nu tempo' anu madi' pin, belemiu opateimo iwi-iwi'.

PO'ULE' INGULIT 28:20 ပူးပေါင်းရင်းမြစ်များ

AYUB 24:18

Lantas notataemo na i Zofar, “Mian anu ma'idek na kinyonyoanyo na'anjumo nu iyaba'. Tano' halata'nyo kinutukanmo nu Tumpu Allah; ale' nu anggurnyo i liingmo; madi'mo daagi' ko anu nokalaja i kiijo'.

MAZMUR 7:11

Anu monjagai aku aijo'mo Tumpu anu momposalamat mian de hodi' na kinyonyoanyo.

YESAYA 28:19

Belemiu nu tokaimo mae nu kasusa'an anu madi'ko kamingkotannyo ka' otanggungmo ahi' nu belemiu na aijo' sansina-sinaa, daagi' subu ka' mule' de pihimo. Belemiu nulakatmo bau nu buhuk de belemiu mompahamimo potuunon nu Tumpu.

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

YESAYA 51:20

Isinin na puusnyo nu jalan aha to mia-mian nu beleyum tombahangkangmo kalana madi'mo ko kahosonan pokakanamo susumo jonga anu nu konamo nu so'o. Aha kinonamo nu tambuha' nu Tumpu, ka' sineganmo nu Tumpu nu beleyum.

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

YEREMIA 1:16

Ku hukumo na mian anu palesayamo hi beleng-Ku, kalana aha binaladosa'mo ka' nohikumo mae Aku. Aha nonsombahkonmo koloban hi pilogot nu aha ka' lewa'mo nombau patong ka' sinombahmo nu aha.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

IMAMAT 26:38

Belemiu silakamo kiijo' mae i lipu' pinomboan, ka' nupateimo nu lipu' anu monsampobali' belemiu.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

PO'ULE' INGULIT 28:8

Tumpu Allah nu belemiu mombalakatije apaa na anu obau nu belemiu ka' mongisije alang miu iwi-iwi' nu gandum. Ia mombalakatije belemiu i lipu' anu binee'-Nyomo hi belemiu.

PO'ULE' INGULIT 4:26

Langit ka' tano' na timbali sakisi sinaa aiya de maluannyo belemiu madi' tulu-tulutan hi belengku, belemiu malia-lia' sampa mate i tano' anu o jojoongi miu i santoa nu Kaunyo Yordan aijo'. Belemiu madi' pin na jojoong ikiijo', belemiu opateimo ingko-ingkot.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

YOSUA 23:16

De belemiu molanggai anu jinanji'mo ka' anu pinalentahkon-Nyomo hi belemiu, nu Tumpu Allah nu belemiu da otuluti, panyo belemiu mambamo monsombah to pilo-pilogot sangga'at ka' montulutimo pilogot haha aijo' nutambuha'imo nu Tumpu ka' mohukumo belemiu. I uno nu tempo' anu madi' pin belemiu iwi-iwi' mohopu'mo i lipu' anu ma'ima' aiya, anu binee'mo nu Tumpu hi belemiu.”

TO MIA-MIAN KOPIAN 2:15

De aha mambamo mahampate Tumpumo na mongewa aha, susumo anu pinoto'i-Nyomo hi aha. Sahingga aha nongoa'imo kasusa'an anu daka' hondo.

1 SAMUEL 14:20

Lantas i Saul tiba to mia-mian anu nonsangalui ia nambamo lia-lia' i tampat pahampatean. Ikiijo' mae tinoamo nu aha na mian nu Filistin nosungkehetmo; madi'mo nompahasumbu-sumbu' na aha pa'ihe na opahampateiakon; posi-posi aha nompaha pate-pateimo samian ka' samian.