PO'ULE' INGULIT 28:16 - KITAB NU TUMPU ALLA LELE MA'IMAI'

¹⁶ Okutukimo na kota-kota ka' ale' nu belemiu iwi-iwi'.

PO'ULE' INGULIT 28:16 ပူးပေါင်းရင်းမြစ်များ

KAJADIAN 5:29

I Lamekh notataemo, “Anak aiya na saidi' mae montulungi kita de tahahumo na mokalaja, mongusahakon tano' anu kinutukan mo nu Tumpu.” Kalana aijo' sinanggoahanmo i Lamekh na anak aijo' i Nuh.

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 17:12

Tinaaman nu balu aijo', “Jumo nu sanggo nu Tumpu anu tumuu', Tumpu Allah anu osombah nu belento Tuuma, aku basumpa', totu-totu'u aku madi'mo ko roti. Ola labu nu tiligu na daagi' hi belengku, me sangkakup kiijo' i mangko'. Ka' lanya' nu Zaitun sangkiding kiijo' i boton. Aku aiya mongala kau' anu oposun bau pongunjang tiligu anu me ise-ise' kiijo', da okaan nu kami moto anak. Me aijo' na anu okaan mami, madi'mo ko anu okaan sangga'at; lapas aijo' kami montanda'imo silaka.”

1 TOMU-TOMUNDO' 17:5

Palentah nu Tumpu aijo' tinulutanmo i Elia, ka' ia nambamo i panga' nu kaunyo Kerit lantas ia jinojoongmo kiijo' mae.

AYUB 24:18

Lantas notataemo na i Zofar, “Mian anu ma'idek na kinyonyoanyo na'anjumo nu iyaba'. Tano' halata'nyo kinutukanmo nu Tumpu Allah; ale' nu anggurnyo i liingmo; madi'mo daagi' ko anu nokalaja i kiijo'.

AMSAL 3:33

Tumpu montuda'i balaa' laigan nu mian anu ma'idek na kinyonyoanyo, panyo mombalakati laigan nu mian anu tulu-tulutan hi Ia.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

YEREMIA 9:11

Tumpu notatae, “Yerusalem Ku pojadimo tampat anu ihansunmo baumo tampat paninsulukan nu dedeng nu alas. Sinin na kota' nu aha Yehuda timbalimo liing, timbalimo tampat anu madi'mo ojojoongi.”

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 5:10

Kami sinansalamo nu ohop, sahingga kilit mami nomea'mo susumo pomposulian apu.

YOËL 1:4

Sampahas na kihi-kihi' anu madi' opoko lekeng na konjoo'nyo tinoka i iwi-iwi na ale' ka' nongkaanmo hasinnyo. Apaa na anu pinotuha' nu sampahas kinaan mule' nu sangga'at na pahasannyo.

YOËL 2:3

Susumo apu anu mompapui ka' montoyo'i aha nohansunimo iwi-iwi na anu osu'an. Momonanyo mae lipu' aijo' sumomo Eden, i natan nu Tumpu panyo lapas mae, sumomo padang bone' anu mapeges hondo. Madi'mo ko anu tinontuha' madi'mo kino sisanyo na tinumbuhan nu aha.

ZAKHARIA 5:4

Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

MALEAKHI 4:6

Nu pojadije na to tutuuma ka' mule' to ana-anak da kinyonyoa mosa'angu', da Aku madi' mohansuni lipu' nu belemiu.” 1