PO'ULE' INGULIT 28:10 - KITAB NU TUMPU ALLA LELE MA'IMAI'

¹⁰ Sahingga iwi-iwi' na bansa anu i dunia aiya montoamo taalu' belemiu bansa anu pinile'anmo nu Tumpu ka' aha mongkabuhukmo belemiu.

PO'ULE' INGULIT 28:10 ပူးပေါင်းရင်းမြစ်များ

1 TAWARIKH 14:17

Sahingga tinalasanggomo na sanggo i Daud iyaya mae, ka' binaumo nu Tumpu da iwi-iwi' na bansa nongkabuhukmo i Daud.

2 TAWARIKH 7:14

lantas mian anu pinalesayamo hi belengku anu saja' monsanggo sanggongku, mangakumo kasala'an, ka' balado'amo ka' mule' tokamo hi belengku, ka' madi'mo mombau kalakuan nu aha anu toto ide-idek, saba' kiita' mae i suluga' Ku hongo mae na do'a nu aha. Ku ampunimo na dosa' nu aha haha aijo' ka' mompotimbalimo mule' lipu' nu aha bilahi.

NOSABATMO 12:33

Mian nu Mesir sabole-bolemo nompakisa mian nu Israel da sampamo mamba mompala'i lipu' aijo'. Aha notatae, “Kami iwi-iwi' silakamo de belemiu madi' sampa mamba!”

NOSABATMO 14:25

Pinotimbali-Nyomo na loda-loda nu kaleta nu aha na'idekmo sahingga aha madi'mo noko ala namba lau-laus. Mian nu Mesir notataemo, “Tumpu nahampatemo monjagai mian nu Israel mongewa kita. Imbo' pala'i na tampat aiya!”

YESAYA 63:19

Belento nongatunmo kantumuu'an mami susumo au'aitu Belento madi' toho' nongkuasai kami; susumo au'aitu kami madi' toho' tinimbali mian anu palesayamo hi Belento.

YEREMIA 14:9

Kadaka' Belento sumomo mian anu biningungmo; sumomo talenga' anu madi'mo moko ala montulungi? Panyo, memang tantu Belento aiya itotonga' mami, o Tumpu! Kami mian anu palesayamo hi Belento, boli ahi' nu pala'i nu Belento na kami!’ ”

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

MALEAKHI 3:12

Sahingga belemiu otaloakonmo nu bansa iwi-iwi' sanang na kantumuu'an nu belemiu, kalana lipu' nu belemiu timbalimo tampat anu ma'ima na bau kajojoongan.”

NOMBILANGMO 6:27

Ka' Tumpu notatae mule', “De aha monsanggo sanggong-Ku salaku bau pombalakati bansa nu aha Israel, Ku balakatimo na aha.”

SISIKON NU TO RASUL-RASUL 15:17

da iwi-iwi' na mian anu tinasisa aijo' molio Tumpu, tiba iwi-iwi' bansa sangga'at anu misa' Yahudi anu i lagang-Kumo da timbalimo Aku na tumpunyo.’

PO'ULE' INGULIT 11:25

Songko-songko na lipu' haha aijo' nupotimbalije nu Tumpu Allah nu belemiu na to mia-mian mabuhuk hi belemiu susumo anu jinanji'-Nyomo hi belemiu, sahingga madi' ko samian pe'e na moko ala mompoliwa' belemiu.

PO'ULE' INGULIT 2:25

Otampu'uni i sinaa aiya Ku potimbalimo na to bansa-bansa da mongkabuhukmo belemiu, maumo pa' iya mae. Toto samian nulakatmo kalana mabuhukmo de mohongomo belemiu.’ ”

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.