PO'ULE' INGULIT 28:1 - KITAB NU TUMPU ALLA LELE MA'IMAI'

¹ “De belemiu montuluti Tumpu Allah nu belemiu ka' saja' obau ima-ima' na palentah iwi-iwi' anu ku bee' hi belemiu sinaa aiya saba' ia mompotimbalije belemiu bansa anu talalo hondo talasanggo i dunia.

PO'ULE' INGULIT 28:1 ပူးပေါင်းရင်းမြစ်များ

1 TAWARIKH 14:2

Kalana aijo' ingoa'anmo i Daud, taalu' totu-totu'umo ahi' na ia ingakuanmo nu Tumpu salaku tomundo' nu aha Israel ka' nompohosonmo kalaja'annyo bau kapentingan nu mian anu pinalesayamo hi Tumpu.

MAZMUR 106:3

Mohumpak ka'ima'an na mian anu montuluti totu-totu'u palentahnyo iwi-iwi', ka' saja' totu'u na anu, nu bau.

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 119:128

Kalana aijo' aku tumuu'mo susumo pokinde' iwi-iwi' nu Belento; kalakuan anu tageo' ku ka'ideki.

MAZMUR 119:6

De ku palahatikan na palentah nu Belento iwi-iwi', saba' aku madi'mo mohumpak ambang.

MAZMUR 148:14

Ia nompohosonmo bansa-Nyo, sahingga Ia lewa'mo nupuji' nu mian anu pinalesayamo hi Ia, Israel, mian anu nu kalibosi. Opuji' na Tumpu!

MAZMUR 91:14

Tumpu notatae, “Mian anu mongka'ima'i Aku tionyo ahi'. Ku posalamat, anu mongakui aku tionyo ahi' ku jagai.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 23:22

De belemiu tulu-tulutan hi ia ka' mombau iwi-iwi' apaa na anu Ku palentahkon, Aku na mahampate mongewa sampobali' nu belemiu iwi-iwi'.

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

YEREMIA 12:16

De aha totu-totu'umo ahi' na montalima agama nu mian anu palesayamo hi beleng-Ku ka' basumpa'mo ahi' ka' motatae, ‘Tiba sanggo nu Tumpu anu tumuu',’ – susumo naipuan mae aha nongajanmo mian anu palesayamo hi beleng-Ku binasumpa'mo tiba sanggo nu Baal – sahingga aha suele minsoopmo mian anu palesayamo hi beleng-Ku ka' mohumpakmo kantumuu'an anu ma'ima'.

YEREMIA 17:24

Otuluti iwi-iwi' na palentah-ngKu. Boli mongato maumo pa' balang apaa montulu sabatan daka' ikota' aiya kakona isinaa nu Sabat. Tungka'akonmo samata-mata na sinaa nu Sabat bau bahagian-Ku, ka' mombau apa-apaa isinaa aijo'.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

LUKAS 9:48

Lantas Ia notatae hi anu saja' mombatuki Ia, “Mian anu montalima anak aiya kalana Aku, alati'nyo ia montalimamo Aku. Ka' mian anu montalima Aku, montalimamo Ia anu nonsai mae Aku. Sabab mian anu talalo ise' i totonga' miu, iamo na anu talalo daka'!”

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

PO'ULE' INGULIT 11:13

Jadi otuluti na palentah haha aiya anu ku poto'i hi belemiu sinaa aiya: Okanonongi, na Tumpu Allah nu belemiu, ka' sombah na Ia nu kinyonyoa anu totu-totu'u.

PO'ULE' INGULIT 11:27

Belemiu mohumpak balakat de belemiu tulu-tulutan hi iwi-iwi' na palentah nu Tumpu Allah nu belemiu, anu pinoto'ingkumo sinaa aiya hi belemiu.

PO'ULE' INGULIT 15:5

asan belemiu tulu-tulutan hi Tumpu Allah nu belemiu ka' pagala ahi' o intomakon na mombau iwi-iwi' anu pinalentahkon-kumo hi belemiu sinaa aiya.

PO'ULE' INGULIT 26:18

Sinaa aiya, Tumpu nontalimamo belemiu ka' tinimbalimo mian anu pinalesayamo hi Ia susumo anu jinanji'-Nyomo hi belemiu, ka' Ia nompalentahmo belemiu da mombau iwi-iwi' palentah-Nyo.

PO'ULE' INGULIT 26:19

Tumpu nompotimbalimo belemiu lebe daka' molingkudui iwi-iwi' bansa sangga'at anu pinotimbali-Nyomo, ka' belemiu opuji'mo ka' o adatimo. Belemiu tinimbalimo mian anu pinalesayamo hi Tumpu Allah nu belemiu susumo anu jinanji'Nyomo.”

PO'ULE' INGULIT 28:13

Tumpu Allah nu belemiu mompotimbalije belemiu polaya' nu to bansa-bansa, ka' misa anu ola opalentah. De belemiu mombau ima-ima' palentah nu Tumpu iwi-iwi' anu binee'kumo hi belemiu sinaa aiya, belemiu mompaka sanangmo na kantumuu'an ka' madi'mo toho' kakulangan.