PO'ULE' INGULIT 27:20 - KITAB NU TUMPU ALLA LELE MA'IMAI'

²⁰ ‘Kinutukan na mian anu mongambangimo tuumanyo kalana moduhusmo tiba sala'samian na bengkele' nu tuumanyo.’ ‘Amin!’

PO'ULE' INGULIT 27:20 ပူးပေါင်းရင်းမြစ်များ

KAJADIAN 35:22

Hau-haunyo aha kiijo' i tampat aijo' i Ruben nongkamale'imo i Bilha, ambahue' nu tuumanyo. Han aijo' i hongomo i Yakub, sahingga ia pinusamo hondo. I Yakub kino anak sampulu' ka' ohua' na mo'ane.

KAJADIAN 49:4

Beleyum dengke na mokokembong susumo uee, sahingga misa'mo anu tongkoimoona; kalana beleyum nongkamale'imo ambahue'ku, beleyum nombusikimo kamale'an nu tuuma nu beleyum.

2 SAMUEL 16:22

Jadi i Absalom binauanmo kemah aita i loteng ilaigan nu tomundo' anu kantoan. Lantas tinoamo nu mian iwi-iwi' na i Absalom ninsoopmo i kemah aijo' ka' noduhusmo tiba to amba-ambahue' nu tuumanyo.

1 TAWARIKH 5:1

I Ruben aijo'mo na anak tumpe i Yakub. Panyo kalana i Ruben nompatiduhusimo sala'samian na ambuhue' nu tuumanyo, sahingga sanggo nu ambuhue' aijo' madi'mo na'ima', mokonyo' aijo' haknyo salaku anak tumpe madi'mo binee' hi ia, panyo binee'mo hi Yusuf. Maumo sumo aitu, panyo anu baani hondo na lee' i Yakub misa' i Yusuf panyo tulunan nu bansa Yehuda. Ka' anu momona tinimbali tomundo' hi aha mian nu Israel iwi-iwi' aijo'mo nolengkat mae hi tulunan nu bansa Yehuda aijo'.

YEHEZKIEL 22:10

Daagi' ko mian anu monggoda ka' mompatiduhusi tinanyo te silabo'nyo, ka' mule' boune anu hau-haunyo tinokamo na adat nu aha boune.

IMAMAT 18:7

Boli moduhus tiba tina nu belemiu, tiba bengkele' nu tuuma nu belemiu, kalana tuuma nu belemiu na mohaki ia.

IMAMAT 18:8

Boli mongambangi tuuma nu belemiu kalana moduhusmo tiba sala' samian na bengkele'nyo sangga'at.

IMAMAT 20:11

Samian na mo'ane anu moduhusmo tiba sala' samian bengkele' nu tuumanyo, monggagoimo hak nu tuumanyo. Mo'ane ka' boune aijo' tionyo ahi' o hukum mate. Aha mate, kalana posi kasala'an nu aha.

AMOS 2:7

Aha mongkabisa'i mian anu madi'mo moko ala mombau apa-apaa ka' mola'mo mian anu kasiasi. Tuuma ka' anak mongkamale'imo posaihon boune; bounemo ai-aijo', sahingga mongideimo sanggong-Ku anu Susi'.

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

PO'ULE' INGULIT 22:30

Madi' timbali ko samian anu mongambangi tuumanyo kalana moduhusmo tiba sala'samian na bengkele' nu tuumanyo.”

PO'ULE' INGULIT 23:1

“Mian anu tinokui'mo kabai anu ginuntumanmo na kamo'aneannyo madi'mo timbali minsoop mian anu pinalesayamo hi Tumpu.