PO'ULE' INGULIT 27:15 - KITAB NU TUMPU ALLA LELE MA'IMAI'

¹⁵ Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

PO'ULE' INGULIT 27:15 ပူးပေါင်းရင်းမြစ်များ

KAJADIAN 31:19

Tempo'nyo aijo' i Laban kiijo' mae i padang bola hau-haunyo monggunting bulu nu to domba-dombanyo, ka' tempo'nyo aijo' na i Rahel nontomangmo patong ponjagai aha salaigan anu nu tuumanyo.

KAJADIAN 31:34

Hau-haunyo aijo' i Rahel nongalamo patong aijo' ka' nomposoopmo i uno nu popoje nu polapisi tonga' nu unta, ka' sinuhangannyomo na polapisi tonga' nu unta aijo'. I Laban nongungkelemo songko-songko na kemah i Rahel, panyo madi' ko anu i humpaknyo na patong aijo'.

KAJADIAN 9:25

ia notataemo, “Tinuda'an nu balaa' na i Kana'an! Ia timbalimo posaihon anu madi' ko angga'nyo hi to utu-utusnyo.

2 TOMU-TOMUNDO' 17:19

To mia-mian nu Yehuda suele madi'mo nontuluti iwi-iwi' na atulan nu Tumpu, Tumpu Allah nu aha. Aha lewa'mo mombatuki kabiasa'an nu mian Israel,

2 TOMU-TOMUNDO' 23:13

Ka' suele mezbah haha aijo' anu i sasu kabete'an Yerusalem, i sasu salatan Bungkutnyo nu Ka'idekan i humimi'anmo. Mezbah haha aijo' binau i Tomundo' Salomo bau ponsomban to pilo-pilogot anu mahumimi' – aijo'mo Asytoret pilogot boune bansa Sidon, Kamos pilogot nu bansa Moab, tiba Milkom pilogot nu bansa Amon.

1 TAWARIKH 16:36

O Puji' na Tumpu, Tumpu Allah nu Israel, uuka aiya ka' sampe toka sidu-sidutu'! Lapas aijo' iwi-iwi' na mian nu Israel notataemo, “Amin”, lantas aha nompuji'mo Tumpu.

2 TAWARIKH 33:2

Ia binaladosa'mo hi Tumpu kalana nombatukimo hahan anu ma'idek anu saja' nubau nu to bansa-bansa sangga'at, anu i laa'mo nu Tumpu bolimo jojoong i Kana'an tempo'nyo mian nu Israel ninsoopmo i lipu' aijo'.

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

NOSABATMO 34:17

Boli mombau ka' monsombah to pilo-pilogot anu otutuk nu tukang.

YESAYA 44:13

Tukang kau' mongukun kau'. Nu gambar na patong aijo' nu kapur, ka' nu bau nu pakakas ka' nu potimbalimo patong susumo mian anu ontinganan hondo lantas nu pokokomo i uno nu laigannyo.

YESAYA 44:19

Mian anu nombau patong aijo' madi'mo daagi' binapikin, “Kau' aijo' sambagian pinapuankumo, ka' obanyo pinakengkumo bau pinontunuan roti ka' mule' bau pontapa'i ponoha' da ku kaan. Lantas tuha' nu kau' aijo' ku baumo patong. Jadi uuka aiya aku monsombahmo sangkolong na kau'!”

YEREMIA 11:3

Aku, Tumpu Allah nu Israel, mongkutukimo ihehe na madi' montuluti atulan nu palajanjian-Ku aijo'.

YEREMIA 11:5

De nu baumo nu aha na aijo' iwi-iwi' saba' Kuganapimo ahi' na palajanjian-Ku anu bibinaung-Kumo hi mompolee' nu aha aijo'mo lipu' anu ma'omuk hondo ka' manjoo' na isinyo anu tempo' uuka aiya jinojoonganmo nu aha aijo' Ku bee'mo hi aha.” Aku nontaami, “Ma'ima'mo, Tumpu.”

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEREMIA 28:6

“Ma'ima'mo! O'amalakon da apaa na anu kinila-kilamo nu beleyum aijo' ko bukutinyo ahi' ka' Tumpu totu-totu'u ahi' po ule'mo monsule'akon mae lengkat i Babel balang haha aijo' anu memang ahi' balang nu Laigan nu Tumpu tibamo aha mian iwi-iwi' anu binoamo kiijo' mae.

YEHEZKIEL 14:4

Kalana aijo' poto'i hi aha taalu' Aku, Tumpu Anu Matangkas na Kuasanyo mompotuunmo sumo uuka, ‘Toto samian na aha Israel anu nompopalesayamo butong nu aha hi pilogot ka' nompobee'mo butongnyo nanabu' i dosa' lantas tokamo mae momoita pokinde' hi samian na nabi, Akumo ahi' na montaami nu pontaami anu sabenannyo ahi' kona hi topilo-pilogot nu aha aijo' manjo-manjoo'.

YEHEZKIEL 7:20

U'utu mae aha binulonmo nu mainan nu aha anu toto ima-ima', panyo kalana aijo' nu pake nu aha bau bapilogotan haha aijo' anu okahegati, sahingga Tumpu nompojadimo halata' hu aha aijo' da tinimbali anu okabuhuk.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

NOMBILANGMO 5:22

Uee anu mompotoka kutuk aiya minsoop mo i kompong nu beleyum ka' mompotimbalimo sombak ka' mule' mingkihu-kihutmo na jalempakan nu beleyum.” Boune aijo' tionyo ahi' montaami, “Aku situjumo; o amalakon da Tumpu mombaumo sumo aijo'.”

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

PO'ULE' INGULIT 27:14

Aha mian nu Lewi tionyo ahi' montaloakon hoso-hoson potatae sumo uuka, ka' mian nu aha Israel tionyo ahi' montaami; ‘Amin.’

PO'ULE' INGULIT 29:17

Tinoamo nu belemiu na to pato-patong nu pilogot nu aha anu monsaduakon da mahumimi' te kau', batu, salaka, ka' mosoni' na binau.

PO'ULE' INGULIT 4:25

Ka' mule' de belemiu saidi' mae pinmo na jojoong i lipu' aijo' ka' ko makumpumo, boli baladosa' kalana mombaumo patung maumo pa' sumo apaa. Palabuatan anu sumo aijo' sa'angu' na han anu ma'idek hi mata nu Tumpu Allah nu belemiu ka' monsaduakon Ia da motambuha'.

PO'ULE' INGULIT 5:8

Boli mombau na belemiu patong maumo pa' sumo apaa i langit, i tano' kabai i uno nu uee i aluk nu tano'.

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

TO MIA-MIAN KOPIAN 17:3

I Mikha nonsule'akonmo doi aijo' hi tinanyo, lantas koonyo nu tinanyo, “Da beleyum anakku, madi' nu kona nu kutuk anu tinaloakonkumo aijo' ku sombahkonmo na doi salaka aiya hi Tumpu da obau patong kau' anu olapisi nu salaka. Jadi doi aijo' ku sule'akonmo hi beleyum.”

TO MIA-MIAN KOPIAN 17:4

Sahingga salatan i Mikha nonsule'akonmo doi aijo' hi tinanyo, tinanyo aijo' nongalamo ua'atu na takeannyo nu doi aijo' ka' nombee' hi samian na tukang salaka. Lantas pinokaunyomo na tukang da mombauakon sa'angu' na patong kau' anu olapisi nu salaka aijo'. Lapas aijo' patong aijo' pino una'mo hi laigan i Mikha.

1 SAMUEL 26:19

O Tomundo' potombihing mae pe'e na potataengku aiya. De belento Tomundo' pinokau nu Tumpu mongewa mae aku yo anu osombahkon na koloban timbali momposabaan kinyonyoa-Nyo da bolimo montambuha'i mae aku. Panyo de anu nompokau belento Tomundo' aijo' manusia, o'amalakon da aha nu kutuki nu Tumpu! Kalana palabuatan nu aha aijo' sahingga aku ilaa'mo da nompala'imo tano' anu nu Tumpu, sahingga nambamo ahi' ilipu' sangga'at sahingga aku nonsombahmo to pilo-pilogot nu aha anu isalipu'an.