PO'ULE' INGULIT 27:13 - KITAB NU TUMPU ALLA LELE MA'IMAI'

¹³ De otaloakonmo na kutuk, tulunan nu bansa Ruben, Gad, Asyer, Zebulon, Dan tiba Naftali tionyo ahi' tuminjo aita' i Bungkutnyo nu Ebal.

PO'ULE' INGULIT 27:13 ပူးပေါင်းရင်းမြစ်များ

PO'ULE' INGULIT 27:4

ka' belemiu kiijo'mo i santoa nu Kaunyo nu Yordan, belemiu tionyo ahi' mokiita' i Bungkutnyo nu Ebal. Ikiijo' belemiu tionyo ahi' mompotinjo ka' monset nu tiilon batu haha aijo' susumo anu pinalentahkonkumo hi belemiu sinaa aiya.

YOSUA 8:33

Aha mian nu Israel tiba to pola-polaya', to kapa-kapala nu suludadu, to mia-mian kopian, ka' suele to mia-mian anu lengkat mae i salipu'an anu jojoong ikiijo' hi aha, tinuminjomo i sambiha' ka' sambiha' nu Peti' Palajanjian nu Tumpu mongahopi to ima-imam Lewi anu molemban Peti' Palajanjian aijo'. Sambagian na mian haha aijo' mongahopi Bungkutnyo nu Gerizim, ka' sambagian mule' mongahopi Bungkutnyo nu Ebal. I Musa posaihon nu Tumpu aijo', nompalentahkonmo da aha mombau han anu sumo aijo' de tokamo na tempo'nyo aha mohumpakmo balakat anu jinanji'mo nu Tumpu.

PO'ULE' INGULIT 11:29

De nuboamo nu Tumpu Allah nu belemiu na belemiu minsoop i lipu' anu saidi' mae ojojoongimo nu belemiu, balakat aijo' tionyo aha otaloakon nu belemiu aita' mae i Bungkutnyo nu Gerizim ka' kutuk aijo' aita' mae i Bungkutnyo nu Ebal. (

KAJADIAN 30:20

Ia notataemo, “Tumpu Allah nombee'imo palasen hi belengku anu ma'ima' hondo. Uuka aiya langkai'ku monggangga'imo aku kalana aku nohampeakonmo anom na anak mo'ane,” kalana aijo' sinanggohannyomo na anak aijo' i Zebulon.

KAJADIAN 29:32

I Lea pinoboamo lantas nohampeakonmo samian na anak mo'ane. Ia notatae, “Tumpu nontoamo mae kasusa'anku, ka' uuka aiya langkai'ku nongka'ima'imo aku.” Lantas sinanggohannyomo na anaknyo aijo' i Ruben.

PO'ULE' INGULIT 27:12

“De belemiu moko potaapmo i Kaunyo nu Yordan, tulunan nu bansa Simeon, Lewi, Yehuda, Isakhar, Yusuf ka' Benyamin tionyo ahi' tuminjo aita' i Bungkutnyo nu Gerizim de otaloakonmo na balakat hi bansa aiya.

PO'ULE' INGULIT 27:14

Aha mian nu Lewi tionyo ahi' montaloakon hoso-hoson potatae sumo uuka, ka' mian nu aha Israel tionyo ahi' montaami; ‘Amin.’