PO'ULE' INGULIT 26:7 - KITAB NU TUMPU ALLA LELE MA'IMAI'

⁷ Lantas kami nongkakasemo da otulungi mae nu belento Tumpu, Tumpu Allah nu mompolee' mami. Belento nohongomo anu kinakase mami, ka' nontoamo anu ingoa'anmo mami, kasusa'an tiba kasansala'an mami.

PO'ULE' INGULIT 26:7 ပူးပေါင်းရင်းမြစ်များ

KAJADIAN 21:17

Tumpu Allah nohongomo potatae i Ismael, ka' lengkat mae aita' i langit Tumpu Allah notataemo hi Hagar, Ia notatae, “Apaa na nu susa' akon Hagar? Boli mabuhuk. Tumpu Allah nohongomo potatae nu anak nu beleyum.

KAJADIAN 29:32

I Lea pinoboamo lantas nohampeakonmo samian na anak mo'ane. Ia notatae, “Tumpu nontoamo mae kasusa'anku, ka' uuka aiya langkai'ku nongka'ima'imo aku.” Lantas sinanggohannyomo na anaknyo aijo' i Ruben.

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

MAZMUR 119:132

Siloi mae na aku ka' kalibosi mae na aku, susumo belento mongkalibosi anu mongka'ima'i Belento.

MAZMUR 31:8

Aku lame'mo ka' mule' bilahimo kalana Belento tataap mongkalibosi mae aku. Belento nontoamo mae kasansala'anku, ka' nompalahatikanmo mae kasusa'anku.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

NOSABATMO 2:23

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

NOSABATMO 2:25

Tinoa-Nyomo na to mia-mian nu Israel binotuanan, lantas Ia nontantukanmo da montulungi aha.

NOSABATMO 3:9

Haang nu aha bansa Israel i hongong-Kumo, ka' tinoang-Kumo mosia na aha osansala nu bansa Mesir.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

NOSABATMO 6:5

Jadi poto'imo hi bansa Israel taalu' Aku notataemo hi aha: Akumo na Tumpu; belemiu atina' obotuani nu bansa Mesir Ku pobebasmo. Ku potoamo na kakuasa'an-Ku anu opalias, da momposalamat belemiu, ka' mompokonaimo hukuman anu maboat hondo hi bansa Mesir.

YEREMIA 33:2

anu nompotimbalimo tano' ka' nombontukmo ka' nompokokomo itampatnyo. Ia notataemo,

1 SAMUEL 9:16

“Dodop subu-subu kila-kila sumo uuka aiya Ku saimo mae na samian aha tulunan mae nu bansa Benyamin monsingkaboti beleyum. Hangkatmo na ia da timbali polaya' ka' obalakati, ka' odudu'i lanya' susumo anu saja'mo obau de mohangkatmo tomundo' hi aha mian nu Israel, anu pinalesayamo hi beleng-Ku, Iamo na momposalamat mian anu pinalesayamo hi beleng-Ku da bolimo nu poposia nu aha mian Filistin. Tinoang-Kumo na kasansala'an nu aha mian anu pinalesayamo hi beleng-Ku ka' nohongomo aha i humang nomoita tulung.”