Sahingga to mia-mian nu Mesir nohangkatmo anu mompalentah bansa Israel da molio jalan monsusa'i kantumuu'an nu aha, obee'i kalaja ka' opakisa mokalaja totu-totu'u. Aha pinakisamo nu tomundo Mesir da mombau to kota-kota Pitom ka' Raamses da bau puso nu ponguna'an balang.
ka' kantumuu'an nu aha sinusa'mo hondo. Madi'mo ko kalibosan, na nompakisa aha mokalaja totu-totu'u mombau apa-apaa bangunan ka' iyaya mae na ale' nu aha Mesir.
Pinoto'i tomundo Mesir, “De belemiu montulungimo boune nu Ibrani mohampeakonmo anak, o'inau' na uuka: De anak anu hampe mae aijo' mo'ane, patei na ia! De anak anu hampe mae aijo' boune yo bakas da ia tumuu'.”
Lantas i tomundo nombee'imo palentah sumo uuka hi iwii-iwi' na layatnyo; “Batu-batu anak mo'ane nu mian Ibrani anu sala'je hampe tionyo o alin i Kaunyo Nil, panyo iwi-iwi' na anak boune timbali opotumuu'.”
Mandon haha aijo' tinonginau'mo taalu' aha sinusa'mo salatan pinoto'imo na to mia-mian nu Israel tionyo ahi' mombau batu tela anu sabole-bole konjoo'nyo madi' maga'a susumo anu momona.
Salatanmo pe'e aku nangadap hi tomundo ka' notatae nomboa sanggo nu belento, ia nontampu'unimo nonsakisa bansa aiya. Ka' madi' ko anu binau nu belento apa-apaa nontulungi aha.”
Mompolee' mami namba i Mesir ka' jinojoongmo kiijo' mae notau-taun na kopinnyo. Mompolee' mami ka' kami binaumo sosudehon madi' ma'ima', nu aha bansa Mesir,
Lantas kami nongkakasemo da otulungi mae nu belento Tumpu, Tumpu Allah nu mompolee' mami. Belento nohongomo anu kinakase mami, ka' nontoamo anu ingoa'anmo mami, kasusa'an tiba kasansala'an mami.
Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.