PO'ULE' INGULIT 26:18 - KITAB NU TUMPU ALLA LELE MA'IMAI'

¹⁸ Sinaa aiya, Tumpu nontalimamo belemiu ka' tinimbalimo mian anu pinalesayamo hi Ia susumo anu jinanji'-Nyomo hi belemiu, ka' Ia nompalentahmo belemiu da mombau iwi-iwi' palentah-Nyo.

PO'ULE' INGULIT 26:18 ပူးပေါင်းရင်းမြစ်များ

2 SAMUEL 7:24

Bansa Israel pinotimbalimo nu belento mian anu pinalesayamo hi belento sampe toka sidu-sidutu' ka' belentomo ahi' o, Tumpu na timbali Tumpu Allah nu Aha.

MAZMUR 119:6

De ku palahatikan na palentah nu Belento iwi-iwi', saba' aku madi'mo mohumpak ambang.

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

YEREMIA 13:11

Susumo lipa' kodo-kodo' sasa-sasa' hoso-hoson ilampeokan nu anu nompake ia, sumo aijo'mo na tanga'an-Ku da mian nu Israel tiba Yehuda sabole-bole ahi' totoong hoso-hoson mae hi beleng-Ku. Tiba jalan anu sumo aijo' aha timbalimo mian anu palesayamo hi beleng-Ku anu mohangkatmo sanggong-Ku da opuji' ka' oholomat. Panyo aha madi'mo ahi' mongka'oho' montuluti Aku.”

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

ZEFANYA 3:20

Tokaje mae na tempo'nyo anu jojoong i kota' atina' nono ga'a-ga'atmo po ule'mo Ku boa mae minsusule'. Belemiu Ku potalasanggomo i songko-songko na dunia aiya, Kabilahian nu belemiu i uno nu kantumuu'an po ule'mo Ku bee'.” Tumpu notataemo. 1

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

PO'ULE' INGULIT 27:10

Kalana aijo' otuluti na Tumpu Allah nu belemiu ka' bau iwi-iwi' na palentah-Nyo anu binee'kumo hi belemiu sinaa aiya.”

PO'ULE' INGULIT 28:1

“De belemiu montuluti Tumpu Allah nu belemiu ka' saja' obau ima-ima' na palentah iwi-iwi' anu ku bee' hi belemiu sinaa aiya saba' ia mompotimbalije belemiu bansa anu talalo hondo talasanggo i dunia.

PO'ULE' INGULIT 28:9

De belemiu montulutimo Tumpu Allah nu belemiu, ka' mombaumo palentah-Nyo iwi-iwi', belemiu opotimbalimo mian-Nyo anu pinalesayamo hi Ia, susumo anu jinanji'-Nyomo.

PO'ULE' INGULIT 29:13

Tiba palajanjian aijo' Tumpu sinaa aiya nohangkatmo ka' nombalakatimo belemiu da timbali bansa-Nyo, ka' Iamo na Tumpu Allah nu belemiu susumo anu jinanji'nyomo hi belemiu ka' hi mompolee' nu belemiu i Abraham, i Ishak ka' i Yakub.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.