PO'ULE' INGULIT 26:17 - KITAB NU TUMPU ALLA LELE MA'IMAI'

¹⁷ Sinaa aiya belemiu mongakuimo Tumpu salaku Tumpu Allah nu belemiu. Belemiu nonjanji'mo da tulu-tulutan hi Ia, ka' mombau iwi-iwi' na atulan-Nyo tiba palentah-Nyo.

PO'ULE' INGULIT 26:17 ပူးပေါင်းရင်းမြစ်များ

KAJADIAN 28:21

sahingga aku minsusule'mo i laigan nu tuumangku madi' ko anu mompoposia, Belento Tumpu timbalimo Tumpu Allah-ngku.

MAZMUR 48:14

Soba palahatikan na pagannyo mesen, soba palesa na bentengnyo, da belemiu timbali monsisikakon hi lee' nu belemiu:

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 19:8

Aha iwi-iwi' nontaamimo hingga-hinggat, “Kami mongka'oho' mombau iwi-iwi' apaa na anu tinaloakonmo nu Tumpu, ka' pinontaami nu aha aijo' pinotokamo i Musa hi Tumpu.” Lantas notataemo na Tumpu hi Musa, “Aku tokaje mae hi beleyum i uno nu kundom anu butolu hondo; nuhongoje nu to mia-mian na Aku motatae hi beleyum, ka' otampu'uni aijo', aha saja'mo palesaya hi beleyum.

NOSABATMO 20:19

Aha notataemo hi Musa, “Beleyumo na motatae mae hi kami, kami mohongoje; panyo boli Tumpu Allah na motatae mae hi kami dumo kami mate.”

NOSABATMO 24:7

Lapas aijo' ingalanyomo na kitab palajanjian anu pinontulisan to pale-palentah nu Tumpu ka' binasa'nyomo daka-daka' hi bansa aijo'. Aha notataemo, “Kami montulutimo Tumpu ka' iwi-iwi' na palentahnyo obaumo mami.”

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

2 KORINTUS 8:5

Aha nombee'i molabii apaa na anu tinaha'imananmo mami. Aha momonanyo nombee' butong hi Tumpu, lapas aitu hi kamije suele sosok sumo pongka'oho' nu Tumpu.

PO'ULE' INGULIT 13:18

asan belemiu montuluti totu-totu'u iwi-iwi' na palentah-Nyo anu pinotokakonkumo hi belemiu sinaa aiya, ka' mombau iwi-iwi' apaa na anu Nu ka'ima'i.”

PO'ULE' INGULIT 15:5

asan belemiu tulu-tulutan hi Tumpu Allah nu belemiu ka' pagala ahi' o intomakon na mombau iwi-iwi' anu pinalentahkon-kumo hi belemiu sinaa aiya.

PO'ULE' INGULIT 27:10

Kalana aijo' otuluti na Tumpu Allah nu belemiu ka' bau iwi-iwi' na palentah-Nyo anu binee'kumo hi belemiu sinaa aiya.”

PO'ULE' INGULIT 29:12

Tumpu Allah nu belemiu nonjanji'mo hi belemiu ka' belemiu iwi-iwi' sinihukmo i aiya da montoongi palajanjian aijo' ka' mule' nongalamo palentah anu tionyo ahi' obau.

PO'ULE' INGULIT 30:16

Sinaa aiya ku palentahmo na belemiu da mongkanonongimo Tumpu Allah nu belemiu ka' tulu-tulutanmo hi Ia ka' mule' mombaumo apaa na koonyo nu atulan-Nyo iwi-iwi' ka' palentah-Nyo da mongoa'imo kasanangan ka' timbalimo bansa anu daka'. Tumpu Allah nu belemiu mombalakatimo belemiu i lipu' anu madi'mo daagi' pin baumo kajojoongan nu belemiu.

YOSUA 22:5

Ka' sabole-bole o inau' da belemiu saja' montuluti atulan anu pinalentahkonmo i Musa hi belemiu, aijo'mo kalibosi na Tumpu Allah nu belemiu, otuluti na pongka'oho'-Nyo, o hongo-hongo na palentah-Nyo iwi-iwi' boli panggagah hi Ia, ka' palesaya na Ia nu kinyonyoa totu-totu'u.”

YOSUA 24:22

Lantas i Yosua notataemo, “Jadi posi belemiumo na timbali sakisi tukoonyo nu belemiu, belemiu nompoto'imo palesayamo ka' mohongo-hongomo Tumpu.” “Totu'u,” na koonyo nu aha, “posi kamimo na timbali sakisi.”