PO'ULE' INGULIT 26:10 - KITAB NU TUMPU ALLA LELE MA'IMAI'

¹⁰ Kalana aijo', o Tumpu, ku sombahkonmo i aiya na isi momona nu ale' anu binee'mo nu belento na tano' hi belengku.’ Lantas potimpasmo na basung aijo' i ahop nu Tumpu Allah nu belemiu ka' sombah na Ia.

PO'ULE' INGULIT 26:10 ပူးပေါင်းရင်းမြစ်များ

1 TAWARIKH 29:14

Aku ka' mianku aiya totu-totu'u madi' moko ala mombee'i apa-apaa hi belento, kalana iwi-iwi' na anu binee' nu Belento ka' apaa na anu obee' mami aiya, belento ahi' suele na tumpunyo.

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 22:29

Kalana Tumpu na mongkuasai, Ia na mompalentah to bansa-bansa.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

MAZMUR 95:6

Imbo' da kita tolodadupu monsombah Ia, tolodadupu i ahop nu Tumpu, anu nompotimbali kita.

NOSABATMO 22:29

Toka i tempo'nyo anu tinantukanmo, sombahkonmo hi beleng-Ku na bua' nu gandum nu belemiu, sambahagian, ueenyo nu anggur nu belemiu, lanya' nu zaitun nu belemiu. Bee' mae hi beleng-Ku na to ana-anak tumpe mo'ane nu belemiu

NOSABATMO 23:19

Sataun toka sataun belemiu tionyo ahi' momboa i Laigan nu Tumpu Allah nu belemiu, gandum anu momonanyo pinadak nu belemiu. Antoknyo nu anak nu domba kabai anak nu mee' madi' timbali okola' tiba juu' nu susu nu tinanyo.”

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

AMSAL 3:9

O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum,

YESAYA 66:23

Salatan Bitu'onmo anu sala'je bete' ka' mule' salatan sinaamo nu Sabat iwi-iwi' na manusia tokamo mae monsombah Aku i kota' Yerusalem.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

PO'ULE' INGULIT 18:4

Gandum anu momona o padak, anggur, lanya' nu zaitun ka' bulu nu domba aijo' suele baumo bagi nu aha.

PO'ULE' INGULIT 26:17

Sinaa aiya belemiu mongakuimo Tumpu salaku Tumpu Allah nu belemiu. Belemiu nonjanji'mo da tulu-tulutan hi Ia, ka' mombau iwi-iwi' na atulan-Nyo tiba palentah-Nyo.

PO'ULE' INGULIT 26:2

saba' isinyo momona nu ale' miu tionyo ahi' olimu' miu ka' o isi i basung, ka' oboa miu i tampat anu pinile'anmo nu Tumpu Allah nu belemiu.

PO'ULE' INGULIT 26:4

Imam mongala basung aijo' i lima nu belemiu ka' mompotimpas i ahop nu mezbah nu Tumpu Allah nu belemiu.

PO'ULE' INGULIT 8:18

O' inau' kalana Tumpu Allah nu belemiu na anu mombee'i kakaya'an aijo' hi belemiu.

ANU PINOTO'I HI YOHANES 22:9

panyo ia notatae hi belengku, “Boli! Boli monsombah aku! Sombahmo na Tumpu! Kalana aku suele posaihon sumomo beleyum, ka' sumo to utu-utusum to nabi-nabi, ka' iwi-iwi' na mian anu tinulu-tulutanmo i potuunon anu i uno nu kitab aiya!”