PO'ULE' INGULIT 24:6 - KITAB NU TUMPU ALLA LELE MA'IMAI'

⁶ De belemiu momposabon apa-apaa hi mian sangga'at boli mongala batu anu opake ponggiling gandumnyo salaku bau ponggadei. De mongalamo batu aijo, belemiu mongagoimo pakakas anu opake nu auwannyo bau kantumuu'an nu aha.

PO'ULE' INGULIT 24:6 ပူးပေါင်းရင်းမြစ်များ

KAJADIAN 44:30

“Kalana aijo' kita Tuanku,” notatae na i Yehuda hi Yusuf, “De aku minsusule' hi tuuma mami madi'mo ko utus ise' mami aijo', tantu tuuma mami silakamo. Santuu'nyo totoong hi anak aijo', ka' ia talalomo hondo i langkai', sahingga kasusa'an anu opotoka mami hi ia aijo' mongahenakonmo kasilakannyo.

AYUB 22:6

De utus nu beleyum madi'mo moko ala mombayan samaya'nyo, nu agoimo nu beleyum na baju'nyo iwi-iwi'.

MATIUS 24:41

Ua'aha na boune hau-haunyo monggiling gandum: Samian o boa, ka' samian mule' o pala'i.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

PO'ULE' INGULIT 20:19

De belemiu mompahampateakonmo sa'angu' na kota ka' nontumbuhimo, panyo pin ohungku'ije boli mompahanta'akon kau' ikiijo' anu bua'nyo okaan. Okaan na bua'nyo haha aijo' panyo boli o idei na kau'nyo, kalana kau' haha aijo' misa' sampobali' nu belemiu.

PO'ULE' INGULIT 24:5

“Samian na mo'ane anu sala'je no'osoa madi' timbali osai minsoop suludadu ka' mamba mahampate kabai mombau kalaja bau kapentingan nu mian da'isan sangga'at. Ia tionyo ahi' opobebas i kalaja sataun na kopinnyo da mongulus auwannyo ka' momposanang kinyonyoa nu bengkele'nyo.

PO'ULE' INGULIT 24:7

Mian anu mohakop bubuu' bansanyo ka' opalaihakonmo ka' opotimbalimo na ia susumo posaihon kabai mompobalukmo ia, tionyo ahi' o hukum mate. Tiba jalan anu sumo aijo' belemiu ko usahamo da bolimo ko anu ma'idek susumo aijo'.

ANU PINOTO'I HI YOHANES 18:22

Onyi' nu musiik anu mahaik kasapi, anu topo manyanyi, anu mompuhi puloit ka' anu mompuhi tolompet, madi'mo daagi' o hongo kiijo' i unonyo! Madi'mo daagi' o humpak mau samian pe'e na anu pande na mokalaja i kiijo', ka' onyi' nu batu ponggilingan madi'mo daagi' ko anu ohongo.