PO'ULE' INGULIT 24:5 - KITAB NU TUMPU ALLA LELE MA'IMAI'

⁵ “Samian na mo'ane anu sala'je no'osoa madi' timbali osai minsoop suludadu ka' mamba mahampate kabai mombau kalaja bau kapentingan nu mian da'isan sangga'at. Ia tionyo ahi' opobebas i kalaja sataun na kopinnyo da mongulus auwannyo ka' momposanang kinyonyoa nu bengkele'nyo.

PO'ULE' INGULIT 24:5 ပူးပေါင်းရင်းမြစ်များ

KAJADIAN 2:24

Mokonyo aijo' mo'ane mompala'imo tuuma ka' tinanyo ka' mosa'angu'mo tiba bengkele'nyo, lantas ua-ua'aha timbalimo sa'asa'angu'.

AMSAL 5:18

Kalana aijo', tionyo ahi' beleyum mongoa'i sanang hi posi bengkele' nu beleyum; olio na kasanangan hi anak langkoyang anu i nika'anumo nu beleyum,

ANU MOMPOLELE POTATAE NU TUMPU 9:9

Oa'i ahi' ima-ima' na kasanangan tumuu' tiba bengkele' anu nu kalibosi; i uno nu kantumuu'an nu beleyum anu ola pinalasuma bibine' nu Tumpu hi beleyum i dunia aiya. Oa'i sansina-sinaa maumo ahi' madi' ko gunanyo. Kalana tamboonyo nu lawe nu beleyum olamo atina'.

LUKAS 14:20

Anu sangga'at mule' notatae, ‘Aku sala'je no'osoa, kalana aitu aku madi' moko ala toka.’

1 KORINTUS 7:29

Pongka'oho'ku sumo uuka, To Utu-utus: Kita madi'mo ko tempo' manjoo'. Otampu'uni tempo' uuka toto samian anu ko bengkele'mo tionyo ia tumuu' susumo madi' ko bengkele'nyo;

PO'ULE' INGULIT 20:7

Pa' daagi' ko mian anu aiya hi belemiu nodohoimo ka' kahanda'mo mo'osoa? De daagi', pinsusule' pe'e na ia. Kalana de ia osilakaimo i uno nu pahampatean mian sangga'atmo na mongosoai dohoinyo.’

PO'ULE' INGULIT 24:6

De belemiu momposabon apa-apaa hi mian sangga'at boli mongala batu anu opake ponggiling gandumnyo salaku bau ponggadei. De mongalamo batu aijo, belemiu mongagoimo pakakas anu opake nu auwannyo bau kantumuu'an nu aha.