PO'ULE' INGULIT 24:1 - KITAB NU TUMPU ALLA LELE MA'IMAI'

¹ “Bisuannyo samian na mo'ane mo'osoamo tiba samian na langkoyang, ka' lapas aijo' saidi' mae madi'mo nu ka'ima'i kalana i humpaknyomo na apa-apaa anu moko ambang ia. Lantas mo'ane aijo' nombee'mo sulat poga'atan hi ia ka' nolaa'mo ia da bolimo jojoong i laigannyo.

PO'ULE' INGULIT 24:1 ပူးပေါင်းရင်းမြစ်များ

NOSABATMO 21:10

De anak mo'ane aijo' po'ule' mule' mo'osoa, ia tataap mombee'i anu okaan ka' pakeannyo ka' iwi-iwi' na anu tionyo obau hi bengkele'nyo anu momona.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

MALEAKHI 2:16

“Aku mongka'ideki poga'atan,” na koonyo nu Tumpu nu aha Israel. “Kuka'ideki de ko sala' samian anu atina' hi belemiu mombau palabuatan anu buhingison hi bengkele'nyo. Jadi ojagai na butong nu belemiu ka' boli hondo-hondo mongkabisa'i bengkele' nu belemiu.”

NOMBILANGMO 5:12

da mombee' atulan haha aiya hi aha mian Israel. De ko samian na mo'ane monginsi-insibi bengkele'nyo. Ia nongkila-kilamo bengkele'nyo aijo' madi'mo montuluti ia ka' nombusikimo butongnyo kalana noduhusmo tiba mo'ane sangga'at. Panyo langkai'nyo aijo' madi' moko ala montantukan bukuti'nyo totu-totu'u, kalana han aijo' binau nu bengkele'nyo naninsuluk; madi' ko anu nonsakisi'i ka' ia madi' i hakop hau-haunyo duhu-duhus kabai de ko samian na langkai' nu mian monginsi-insibimo bengkele'nyo padahan bengkele'nyo aijo' madi' nasala'.

NOMBILANGMO 5:28

Panyo de ia madi' ko kasala'an yo ia madi' ahi' nukona nu kutuk ka' daagi' ahi mohumpak anak.

MATIUS 1:19

I Yusuf, dohoinyo aijo', samian anu saja' mohongo-hongo atulan nu agama. Jadi ia mongka'oho' mongga'atakon dohoinyo aijo', panyo nu pohowini, da i Maria madi' ma'ambang i mian da'isan.

LUKAS 16:18

Ihe na mongga'atakon bengkele'nyo, ka' mo'osoa tiba boune sangga'at, mian aijo' masala'. Ka' mian anu mongosoai boune anu gina'atakonmo, masala' suele.”

PO'ULE' INGULIT 21:15

“Bisuannyo samian na ko bengkele'nyo ua'aha ka' ua-ua'aha mohumpak anak mo'ane, panyo anak anu i hampeakon momona misa' anak i bengkele' anu nu kanonongi hondo.

PO'ULE' INGULIT 22:13

“Bisuannyo samian na mo'ane mo'osoamo tiba samian na langkoyang, ka' lapas mae madi'mo mongka'ima'i ia.

PO'ULE' INGULIT 22:19

Aha mule' tionyo ahi' mondenda ia sa'atu na doi salaka ka' mombee' doi aijo' hi moniannyo, kalana ia nombusikimo sanggo nu samian na boune nu aha Israel. Ka' mule' boune aijo' tataap bau bengkele'nyo, ka' madi' timbali oga'atakon sampe mate.

PO'ULE' INGULIT 22:29

Han anu sumo aijo' ia tionyo ahi' mombayan sompa'nyo hi tuuma nu langkayong aijo' anu angga'nyo sumo limampulu' na doi salaka. Langkoyang aijo' tionyo ahi' baumo bengkele'nyo kalana ia pinakisamo na noduhus, ka' sidu-sidutu' de ia daagi' tumuu' madi' timbali nu ga'atakon.

PO'ULE' INGULIT 24:2

Lapas aijo' boune aijo' no'osoamo mule' tiba samian na mo'ane sangga'at.

PO'ULE' INGULIT 24:3

Panyo madi' pinin mo'ane aijo' madi'mo nongka'ima'i ia, lantas nombee'imo sulat poga'atan hi ia ka' nolaa'mo ia. Kabai ugaat langkai'nyo anu ko ohua'nyo aijo' nompala'imo.