PO'ULE' INGULIT 23:6 - KITAB NU TUMPU ALLA LELE MA'IMAI'

⁶ I uno nu kantumuu'an nu belemiu ka' sampe toka sidu-sidutu', boli montulungi bansa haha aijo' kabai mompotimbali aha da sanang na kantumuu'an nu aha.

PO'ULE' INGULIT 23:6 ပူးပေါင်းရင်းမြစ်များ

2 SAMUEL 12:31

Ka' mule' mian nu kota' aijo' binoamo nu aha ka' pinalentahmo nu aha da momboa galagaji, pason, bobolo' ka' mule' aha binee'anmo kalaja i tampat pombauan batu tela. Sumo aijo' mule' na pinombaunyo to kota-kota' sangga'at anu i da'erah Amon. Lapas aijo' i Daud tiba iwi-iwi' na suludadunyo ninsusule'mo i Yerusalem.

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

2 SAMUEL 8:2

I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

EZRA 9:12

Kami tinewa'mo nu nabi haha aijo' da bolimo mogogalo'an na mo'osoa tiba mian haha aijo', kabai montulungi aha da timbali bilahi kabai da mohumpakmo kantumuu'an anu lebe ma'ima'. De totu-totu'u kami tulu-tulutan, kami mohumpakmo kahosonan ka' mongkaanmo hasin nu tano' aijo' ka' baumo bahagian nu lee' mami sampe toka sidu-sidutu'.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

MIKHA 6:5

O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

NOMBILANGMO 24:10

Pinusamo na i Balak ka' nontangkakonmo pajagunnyo ka' notataemo hi Bileam, “Beleyum i lagangkumo mae da mongkutuki iwi-iwi' na anu monsampobali' mae aku, panyo aha ola mule' ahi' binalakatan nu beleyum sampe pinintolun.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.