PO'ULE' INGULIT 23:5 - KITAB NU TUMPU ALLA LELE MA'IMAI'

⁵ Panyo Tumpu Allah nu belemiu madi' nompajuli i Bileam. Ka' mule' Ia nombali'imo kutuk aijo' timbali balakat, kalana Ia mongkalibosi belemiu.

PO'ULE' INGULIT 23:5 ပူးပေါင်းရင်းမြစ်များ

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

NEHEMIA 13:2

kalana tempo'nyo bansa Israel nompala'imo mae Mesir ohu-ohua' na bansa anu sinahak mami aijo' madi' nombee'i anu o kaan ka' anu o'inum hi bansa aijo'. Pakalaus mule' aha nontamboimo i Bileam da mongkutuki bansa Israel, panyo Tumpu Allah-nto nombali'imo kutuk aijo' tinimbalimo balakat.’

MAZMUR 73:1

Mazmur i Asaf. Manonong hondo na Tumpu Allah hi mian anu palesayamo hi Ia, ka' mule' hi mian anu kinyonyoanyo hodi'.

AMSAL 26:2

Susumo tomonsi' lumahap, ka' ko laha-lahap aita ilanga sumo aitu mule' pongkutuki madi' nu kona na mian anu madi' ko sala'nyo.

YEREMIA 31:3

itampat anu majo'on mae aku nompotoamo butong-Ku hi aha. O mian nu Israel, naipuan pe'e mae Aku memang ahi' mongkalibosi belemiu ka' memang Aku saja' ahi' sabole-bole mompotoa saba' Aku na saja' ahi' mongkalibosi belemiu.

MIKHA 6:5

O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

MALEAKHI 1:2

Tumpu notatae hi mian anu palesayamo hi Ia, “Aku mongkalibosi belemiu.” Panyo tinaaman nu aha, “Mosia na Tumpu mongkalibosi kami?” Tinaaman nu Tumpu, “Temisa' i Esau utus tu'a i Yakub? Panyo i Yakub na Ku kalibosi ahi',

NOMBILANGMO 22:35

Panyo malaekat nu Tumpu notatae, “Batukimo mae na aku tiba mian haha aijo'. Panyo beleyum ola timbali montaloakon apaa na anu Ku poki taloakon.” Sahingga i Bileam nolausakonmo lajangnyo tiba aha mian anu sinai mae i Balak aijo'.

NOMBILANGMO 22:5

nonsaimo bobotokon da molaga i Bileam, anak i Beor, anu jojoong i kota Petor koko Kaunyo nu Efrat i da'erah Amau. Aha sinai da mompotoka hi Bileam potuunon aiya lengkat mae hi Balak, “Da osumbu', daagi' ko sa'angu' na bansa anu lengkat mae i Mesir; mian haha kiijo' sinongkomo iyaya mae ka' montanga'imo montumbuhi mae da'erah mami.

NOMBILANGMO 24:9

Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”

ROMA 11:28

Kalana mian nu Yahudi madi' mongka'oho' montalima Lele Ma'ima' lengkat mae hi Tumpu, sahingga tinimbalimo sampobali' nu Tumpu; sahingga aijo' na tinimbali ka'untungan nu to Utu-utus anu misa' Yahudi. Panyo kalana anu pinile'anmo nu Tumpu sahingga to mia-mian Yahudi aijo' tataap Nukalibosi nu Tumpu, kalana monginau' mompolee' nu aha.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

ROMA 9:13

I Kitab nu Tumpu tinulis nu Tumpu notatae sumo uuka, “I Yakub Ku kalibosi, panyo i Esau Ku ka'ideki.”

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

PO'ULE' INGULIT 2:29

sampe kami motaapmo i Kaunyo nu Yordan da minsoopmo i lipu' anu binee'mo nu Tumpu Allah mami hi kami. Lee' i Esau anu jojoong i Edom ka' mian nu aha Moab anu jojoong i Ar nompobee'mo suele kami motulu i da'erah nu aha.’

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

PO'ULE' INGULIT 4:37

Kalana Ia mongkanonongi mompolee' miu sahingga belemiu pinile'an-Nyomo; nu kuasa-Nyo anu daka' hondo ka' belemiu binoa-Nyomo nosabat lengkat mae i Mesir.

YOSUA 24:10

Panyo Aku madi' nongala-ala pongka'oho' i Bileam, sahingga ia nombalakatimo belemiu. Sumo aijo' na Aku nomposalamatmo belemiu da boli nohumpak balaa' hi Balak.