PO'ULE' INGULIT 23:23 - KITAB NU TUMPU ALLA LELE MA'IMAI'

²³ Panyo de belemiu sinanangmo na nonjanji' hi Tumpu Allah nu belemiu, belemiu tionyo ahi' sabole-bole mombee'.

PO'ULE' INGULIT 23:23 ပူးပေါင်းရင်းမြစ်များ

MAZMUR 116:18

Aku mongganapimo anu jinanji'kumo hi Tumpu, i ahop nu mian iwi-iwi' anu palesayamo hi Ia.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

AMSAL 20:25

Maisa pe'e monjanji monsombahkon koloban hi Tumpu opikin mo ahi ima'-ima'. Da boli beleyum mompele-pele' imihinyo mae.

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

IMAMAT 27:2

atulan haha aiya da ogunakon hi bansa Israel. De samian osombahkonmo hi Tumpu bau pontobus anu i niatnyomo samata-mata obee' hi Tumpu, mian aijo' timbalimo otobus nu doi konjoo'nyo,

NOMBILANGMO 30:2

De samian na mo'ane balaniatmo kabai bajanji'mo ka' osumpa'akonmo hi Tumpu, sahingga ia montoongimo janjinyo aijo', ia tionyo ahi' nombaumo apaa na anu jinanji'nyomo aijo' ka' madi'mo timbali mombaleko'i potataenyo aijo'.

MATIUS 5:33

“Komiu monsumbu' saba' mompolee'to daagi' ko pangajalan sumo uuka: Boli mombaleko'i janji'. Apaa na anu jinanji'umo tiba sumpa' i ahop nu Tumpu, tionyo nu bau.

SISIKON NU TO RASUL-RASUL 23:12

Subu-subu dodododopnyo, to mia-mian Yahudi nontampu'unimo nomposa'angu' tanga'an. Aha binasumpa'mo madi' mongkaan kabai monginum de aha ma'isa pe'e mompatei i Paulus.

SISIKON NU TO RASUL-RASUL 23:21

Panyo boli kita Tuan montuluti poitaon nu aha aijo', kalana aha molabi patompulu' na mian anu hau-haunyo natisulukmo montumbuhi ia i jalan. Aha iwi-iwi' binasumpa'mo madi' mongkaan ka' monginum de ma'isa aha mompatei i Paulus. Uuka aha sinadiamo; me montanda'i pontaami nu kita Tuan.”

PO'ULE' INGULIT 23:22

Belemiu madi' baladosa' de belemiu madi' nonjanji'mo hi Tumpu.

PO'ULE' INGULIT 23:24

De belemiu hau-haunyo lumajang montului ale' nu anggur nu mian sangga'at, belemiu timbali mongkaan bua' nu anggur sainsukup anu opalalui nu belemiu na konjoo'nyo, panyo madi' timbali mongisi i kalanjang.

YOSUA 9:18

Panyo aha mian nu Israel madi'mo timbali mompatei aha, kalana to pola-polaya' nu aha Israel binasumpa'mo hi aha tiba sanggo nu Tumpu Allah Israel. Iwi-iwi' na aha mian nu Israel nonsosolimo han aijo' hi to pola-polaya' nu aha.

TO MIA-MIAN KOPIAN 11:35

Salatan tinoa i Yefta, i Yefta talalomo hondo nolibos sahingga binea-beaknyomo na baju'nyo ka' notatae, “Paya' na anakku madi'mo ku poko tahan na kinyonyoa! Kadaka' tionyoje oko na mompolibos kinyonyoangku? Aku binasumpa'mo hi Tumpu, ka' madi'mo ku poko ala na mompojalo janji'ku!”

1 SAMUEL 1:11

Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”

1 SAMUEL 14:24

I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.