PO'ULE' INGULIT 23:22 - KITAB NU TUMPU ALLA LELE MA'IMAI'

²² Belemiu madi' baladosa' de belemiu madi' nonjanji'mo hi Tumpu.

PO'ULE' INGULIT 23:22 ပူးပေါင်းရင်းမြစ်များ

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

MAZMUR 66:13

Aku momboamo i laigan nu Belento koloban anu opotunu ka' ku ganapimo na anu jinanji'kumo hi Belento.

AMSAL 20:25

Maisa pe'e monjanji monsombahkon koloban hi Tumpu opikin mo ahi ima'-ima'. Da boli beleyum mompele-pele' imihinyo mae.

ANU MOMPOLELE POTATAE NU TUMPU 5:5

Boli potatae nu beleyum monsaduakonmo beleyum baladosa' sahingga beleyum talapakisa mompoto'i hi imam anu molayani Tumpu tukooyum beleyum sinangkalingamo na binalajanji'. Apaa na gunanyo nonsaduakonmo Tumpu nontambuha'imo beleyum sahingga ihansunan-Nyomo na hasin nu pakalajaan nu beleyum?

IMAMAT 27:2

atulan haha aiya da ogunakon hi bansa Israel. De samian osombahkonmo hi Tumpu bau pontobus anu i niatnyomo samata-mata obee' hi Tumpu, mian aijo' timbalimo otobus nu doi konjoo'nyo,

PO'ULE' INGULIT 23:21

De belemiu nonjanji'mo apa-apaa anu obee' hi Tumpu Allah nu belemiu, boli ola saja' konutuko uukaje mae na obee' apaa na anu jinanji'mo aijo', kalana Tumpu Allah nu belemiu saja' sabole-bole momoita, ka' belemiu baladosa'mo de madi' mombee'.

PO'ULE' INGULIT 23:23

Panyo de belemiu sinanangmo na nonjanji' hi Tumpu Allah nu belemiu, belemiu tionyo ahi' sabole-bole mombee'.

YOSUA 9:18

Panyo aha mian nu Israel madi'mo timbali mompatei aha, kalana to pola-polaya' nu aha Israel binasumpa'mo hi aha tiba sanggo nu Tumpu Allah Israel. Iwi-iwi' na aha mian nu Israel nonsosolimo han aijo' hi to pola-polaya' nu aha.