PO'ULE' INGULIT 23:19 - KITAB NU TUMPU ALLA LELE MA'IMAI'

^19-20 De belemiu momposabon doi hi mian anu lengkat mae i salipu'an belemiu timbali mompoita ueenyo. Panyo de belemiu momposabon doi kabai kaanon kabai langke' sangga'at hi mian sangko bansa nu belemiu, anu oposabon aijo' timbali obee' panyo madi' timbali ko ueenyo. Otuluti totu-totu'u na palentah aijo' da nubalakati nu Tumpu Allah nu belemiu iwi-iwi' na anu obau miu i lipu' kajojoongan nu belemiu.

PO'ULE' INGULIT 23:19 ပူးပေါင်းရင်းမြစ်များ

NOSABATMO 22:25

De belemiu momposabon doi hi mian kasiasi atina' hi bansang-Ku boli obau sumo anu montage samaya'nyo ka' tionyo ko bunganyo.

MAZMUR 15:5

ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 18:13

Ia momposaboli mian panyo mongala bunganyo Pa' mian anu sumo aijo' opotumuu'? Tantu madi'! Kalana ia nombaumo iwi-iwi' na palabuatan anu ma'idek ka' anu okahegati aijo' jadi ia tionyo silaka! Ia silaka kalana posi palabuatannyo ahi'.

YESAYA 24:2

Iwi-iwi' na mian mongoa'imo katantuan nu kantumuu'an anu pokakana: aha to ima-imam tiba mian da'isan, botuan tiba anu mompojoong, anu mompobaluk tiba anu mongoli, anu monsabon tiba anu momposabonakon, kaya tiba anu kasiasi.

YEREMIA 15:10

Memang aku aiya sinoe'mo! Apaa na gunanyo aku pinohampe nu tinangku? Ka' mule' batu-batu mian ilipu' aiya tionyo aku painggaga ka' paimpisa-pisala'an. Maumo ahi' aku madi' toho' nonsabolakon kabai nonsabon, panyo aku kinutukanmo mae nu mian iwi-iwi'.