PO'ULE' INGULIT 23:16 - KITAB NU TUMPU ALLA LELE MA'IMAI'

¹⁶ Ia timbali jojoong i sala'sa'angu' na kota nu belemiu iya na anu pinile'annyomo, ka' belemiu boli mompokau ia talalomo osigohi.

PO'ULE' INGULIT 23:16 ပူးပေါင်းရင်းမြစ်များ

NOSABATMO 22:21

Boli monsusa'i kabai obau madi' adin na mian anu i salipu'an mae; o inau' ahi' na belemiu naipuan mae suele mian anu i salipu'an kiijo' mae i Mesir.

NOSABATMO 23:9

Boli monsusa'i taha-tahahumo mian anu lengkat mae i salipu'an; kalana sinumbu'mo nu belemiu mosia na mongoa'i de timbali mian anu lengkat mae i salipu'an, kalana u'utu mae belemiu suele toho'mo tinimbali mian anu lengkat mae i salipu'an tempo'nyo i Mesir.”

AMSAL 22:22

Boli mompolugi' mian anu kasiasi, ola kalana ia madi' mahoson ka' i pomputusian palakala boli mongagoi anu nu mian anu madi' moko ala mombau apa-apaa.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

ZAKHARIA 7:10

Boli mongkabisa'i anu balu, to ana-anak anu madi'mo ko tuumanyo ka' tinanyo, to mia-mian anu i salipu'an mae anu tataapmo atina' hi belemiu kabai ihehemo na anu i uno nu kasusa'an. Ka' boli ahi' mombau tanga'an anu ma'idek hi sangko manusia.’

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!