PO'ULE' INGULIT 23:15 - KITAB NU TUMPU ALLA LELE MA'IMAI'

¹⁵ “De samian na posaihon malaimo, mompala'imo tuannyo lantas tokamo hi belemiu momoita da otoakon na ia, boli osai na ia minsusule'.

PO'ULE' INGULIT 23:15 ပူးပေါင်းရင်းမြစ်များ

1 SAMUEL 30:15

Lantas pinokilawamo i Daud hi ia, “Mongka'oho' na beleyum molaya' aku mamba ikajojoongan nu aha mian haha itina'?” Tinaamannyo, “Aku mongka'oho' asan belento Tuan bajanji' hi belengku i uno nu sanggo nu Tumpu Allah, aku madi' opatei nu belento Tuan, kabai obee'mo hi tuanku.”

OBAJA 1:14

Madi' pantas na beleyum tuminjo isangan nu jalan da labot montumbuhi to mia-mian anu hau-haunyo mopalai da boli nu patei nu sampo bali' kabai mombee'mo aha hi sampo bali' isinaa de aha nu tokaimo nu balaa'.”

PO'ULE' INGULIT 23:16

Ia timbali jojoong i sala'sa'angu' na kota nu belemiu iya na anu pinile'annyomo, ka' belemiu boli mompokau ia talalomo osigohi.

IMAMAT 26:12

Aku monsangaluimo belemiu; Aku timbalimo Tumpu Allah nu belemiu ka' belemiu timbalimo mian anu pinalesayamo hi beleng-Ku.

NOMBILANGMO 5:3

Aha tionyo ahi' osai da mambamo, da madi' mohumimi'i kemah, anu kajojoongan-Ku hingga-hinggat tiba mian anu pinalesayamo hi beleng-Ku.”

MAZMUR 78:65

Sahingga Tumpu nobungkutmo sumomo mian anu nobulamo hau-haunyo hoyot. Sumomo mian anu nahosonmo salatan noko inumo anggur.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 33:21

Tumpu mompotoamo katalasanggoan-Nyo hi kita. Kita tumuu'mo isonibi nu kaunyo anu bola, kapan nu anu monsampobali' madi' moko ala talabut kiijo'.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.