PO'ULE' INGULIT 23:14 - KITAB NU TUMPU ALLA LELE MA'IMAI'

¹⁴ Tumpu nu belemiu na montoa belemiu i kemah miu ka' monjagai belemiu ka' mombee'i belemiu ka'untungan de mahampatemo tiba sampobali' nu belemiu. Jadi sabole-bole o inau' da kemah miu tataap belesi'. Boli sampe daagi' ko apa-apaa anu madi' singkosok atina' hi belemiu, da belemiu boli nupala'i nu Tumpu.”

PO'ULE' INGULIT 23:14 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 3:8

Mamalom sinaa aijo' aha nohongomo Tumpu Allah i lumajang i uno nu taman, lantas ua-ua'aha naninsulukmo i olot nu to kau-kau' da madi' nutoa nu Tumpu.

MAZMUR 46:5

Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

NOSABATMO 3:5

Lantas Tumpu Allah notataemo, “Boli mae mati ohani. Ulatakon na sandan nu beleyum, kalana beleyum tinuminjo i tano' anu susi'.

IMAMAT 26:12

Aku monsangaluimo belemiu; Aku timbalimo Tumpu Allah nu belemiu ka' belemiu timbalimo mian anu pinalesayamo hi beleng-Ku.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

PO'ULE' INGULIT 23:13

De mongka'oho'mo mokiijo', oboa na anu palalu opake pombaso'i ka' kau' sangkolong bau pongkeke tano' pimbodo'an ka' bau pontabuhi.

ANU PINOTO'I HI YOHANES 20:9

Sahingga aha mule' nobagi-bagimo i songko-songko na dunia, lantas nontumbuhimo kemah nu mian anu pinalesayamo hi Tumpu ka' kota anu nu kalibosi nu Tumpu. Panyo apu tinudunmo lengkat mae i langit ka' mohopu'imo aha.