PO'ULE' INGULIT 23:11 - KITAB NU TUMPU ALLA LELE MA'IMAI'

¹¹ Salatan ohanimo malom ia tionyo ahi' mindi'mo ka' de sinaa makakinsapmo, ia timbalimo minsusule' i kemahnyo.

PO'ULE' INGULIT 23:11 ပူးပေါင်းရင်းမြစ်များ

MAZMUR 51:2

salatan ia pinokinde'anmo i Nabi Natan kalana nasala'mo tiba i Batsyeba.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

IMAMAT 14:9

I sinaa ko ipitunnyo ia tionyo ahi' mongkismo ubaknyo iwi-iwi', ka' jangkutnyo, bangkulangnyo ka' iwi-iwi' na bulu nu butongnyo. Lantas ia tionyo ahi' mombaso'i baju'nyo ka' mindii' lapas aijo' atina'je ka' ia belesi'mo.

IMAMAT 15:11

De mian anu ko anu i lumene mae aijo' madi' mombaso'i pe'e limanyo lantas mongkanyangmo mian sangga'at, saba' mian anu kinanyangnyomo aijo' tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

IMAMAT 15:13

De ma'alinmo na mian aijo', ia tionyo ahi' montanda'i pitun sinaa. Lapas aijo' ia tionyo ahi' mombaso'i baju'nyo ka' mindii' i mata nu uee, sahingga ia belesi'mo.

IMAMAT 15:16

De samian na mo'a-'ane monsabatakonmo hamane'nyo ia tionyo ahi' mindii' panyo tataap mahumimi' sangkutnyo sinaa makakinsapmo.

IMAMAT 15:5

Ihe na monsala' kanyang mian anu, ko anu i lumene mae aijo' kabai anu kinahoyotannyo aijo', kabai sinumuhang i tampat kinasuhangannyo, kabai anu pinitupe'an nu mian aijo', ia tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

IMAMAT 22:6

Samian na imam maumo pa' apaa na monsaduakon sahingga mahumimi'mo, tataapmo mahumimi' sangkutnyo sinaa makakinsapmo. Ka' de sinaa moko pakakinsapmo ia ma'isa timbali mongkaan kaanon anu sinombahkonmo hi Tumpu de ia ma'isa pe'e mindii'.

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

PO'ULE' INGULIT 23:10

De samian mahumimi'mo kalana nonsabatakonmo anu timbali anak tempo'nyo ia hoyo-hoyot, ia tionyo ahi' mompala'imo kemahnyo ka' jojoongmo i sambiha'nyo.

PO'ULE' INGULIT 23:12

Belemiu tionyo ahi' montoukai tampat i sambiha'nyo nu kemah da bau tololambanan.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.