PO'ULE' INGULIT 22:8 - KITAB NU TUMPU ALLA LELE MA'IMAI'

⁸ De belemiu mombaumo laigan, tionyo ahi' ojalaja'i nu belemiu na atopnyo tiku-tikup. Jadi madi' opokona hi belemiu na kasala'an anu manabu' aita' mae i atop aijo' lantas mate.

PO'ULE' INGULIT 22:8 ပူးပေါင်းရင်းမြစ်များ

2 SAMUEL 11:2

Daagi kino sansinaan mamalommo salatan i Daud nobulamo lengkat i hoyot ia ihoyot ia kinolalajangmo aita mae iloteng nu laigan nu tomundo' anu kakajojoongannyo aijo'. Ikiita' ia nontoamo samian na boune hau-haunyo mindii' ka' mule' boune aijo' handa hondo.

NOSABATMO 22:6

Ihe na nomposuun apu i posi ale'nyo lantas apu aijo' molele i ale' nu mian sangga'at, ka' mompapuimo gandum anu tinumuu'mo kabai timpa nu gandum anu sala'je pinadak, saba' mian anu nomposunmo apu aijo' tionyo ahi' mombayan pombolosi kalugi'an.

YESAYA 22:1

Sumo uuka na potuunon mongkona Bangka'nyo nu Pinontoan; O, belemiu mian nu Yerusalem, kadaka' belemiu noliba'mo nokiita' i atop nu laigan?

YEREMIA 19:13

Ingko-ingkot na laigan i Yerusalem ka' mule' ingko-ingkot na laigan nu to tomu-tomundo' i Yehuda timbalimo nahumimi' susumo Tofet; kalana aita' mae ibawo nu laigan haha aijo' pinompapuianmo nu mian kamangian anu sinombahkon hi to pilo-pilogot nu bagian langit, ka' mule' nonsombahkonmo anggur hi to pilo-pilogot sangga'at.”

YEHEZKIEL 3:18

De Ku poto'imo na samian anu ko palabuatannyo ma'idek tionyo ahi' opateimo, panyo beleyum madi' mompokinde'i ia da ia mombabali'i kalakuannyo, da ia salamat ahi' saba' ia silaka daagi' ahi' susumo samian na anu baladosa' ka' montanggungi ia sinilaka aijo', otuntut hi beleyum.

YEHEZKIEL 3:20

De samian na anu ma'ima' na gau'nyo montampu'unimo mombau dosa' ka' ia Ku posingkabotakonmo isa'angu' na balaa' saba' ia silakamo de beleyum madi' mompokinde'iakon. Ia silakamo kalana iwi-iwi na dosa'nyo ka' palabuatannyo anu toto ima-ima' madi'mo Ku inau'. Panyo ia silaka aijo' Ku tuntutmo hi beleyum.

MATIUS 10:27

Apaa na Kutaloakon hi beleyum i uno nu pintung tionyo o ulit miu ijingka de sinaamo. Ka' apaa na anu o oyongakon i bihingum, o sisikakon hi mian da'isan aijo' mana-manasa!

MARKUS 2:4

Panyo kalana mian talalo da'isan, aha madi' noko ala nati ohani hi Ia. Jadi, aha nombukai atop i buannyo, pataknyo kiijo' na i Yesus. Lapas aijo', aha nonguluakon mian lupe aijo' tiba ampasnyo.

SISIKON NU TO RASUL-RASUL 10:9

Dodododopnyo sina-sinaa, hau-haunyo aha lumajang ka' malia'mo toka i Yope, i Petrus noliba' nokiita' i laigan ka' binalado'a.

ROMA 14:13

Mokonyo aitu boli kita mompaha pisa-pisala'i. Ola ahi' opai-pai lio da komiu madi' mombau apa-apaa anu monsaduakon samian na utus, anu sa'a-sa'angu' na kapalesaya'an tagoda ka' baladosa'.

1 KORINTUS 10:32

Tumuu'mo sumo aitu na baunyo da kita Utus madi' monsaduakon mian sangga'at mombau dosa'; pa' aha mian nu Yahudi kabai misa' mian nu Yahudi, kabai jama'at nu Tumpu.

PO'ULE' INGULIT 22:7

Timbali o ala miu na soma'nyo nu tomonsi' haha aijo', panyo polapas na tinanyo da lumahap, da mantan na umun nu belemiu ka' kantumuu'an nu belemiu mohumpak kasanangan.

PO'ULE' INGULIT 22:9

Boli monsu'an sosu'anon sangga'at i ale' nu anggur miu, panyo ola ahi' samata-mata anggur, de sabole-bole o su'an miu belemiu madi' timbali mongala hasin nu ale' aijo' maumo anggur, maumo anu sinu'an sangga'at.

FILIPI 1:10

Tiba jalan anu sumo aijo' komiu monsumbu'mo mompile'i apaa na anu talalo ma'ima', ka' kantumuu'an miu belesi'mo i kasala'an kabai maumo pa'apaa na posala' opokona hi komiu, i sinaanyo de i Kristus mompo'ule'mo toka.

1 TESALONIKA 5:22

Opatikojo'oni iwi-iwi' na ngangahan nu ka'idekan.

1 SAMUEL 9:25

Lapas aijo' aha nintudunmo lengkat mae aita i tampat ponsomban ka' nambamo i kota'. I Saul suele binee'anmo kamale'an kiita i bangkala'