PO'ULE' INGULIT 22:1 - KITAB NU TUMPU ALLA LELE MA'IMAI'

¹ De sapi' kabai domba anu nu mian sangko bansa nu belemiu anu tinalasmo ka' tinoa nu belemiu na binatang aijo' boli mojalo konutuko madi' ku sumbu', panyo boa na binatang aijo' sule'akon hi tumpunyo.

PO'ULE' INGULIT 22:1 ပူးပေါင်းရင်းမြစ်များ

AMSAL 24:11

Boli bata-bata na mompobebas mian anu binee'anmo hukuman anu osilakaimo; posalamatmo na mian anu hau-haunyo o hela' mokiijo' i tampat pompokalayo'an.

AMSAL 27:10

Boli okolilimi na sangalu nu beleyum kabai sangalu nu tuuma nu beleyum. I uno nu kasusa'an boli momoita tulung hi utus nu beleyum anu mompaha ohani laigan na lebe kogunanyo nulingkudui na utus anu majo'on.

AMSAL 28:27

Ihe na mombe'i mian anu kasiasi, ia madi' kakulangan. Ihe na ola mompojohok kapalaluan nu mian anu kasiasi, nukona nu kutuk.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

YESAYA 8:17

Tumpu madi'mo nompotoa butong-Nyo hi lee' i Yakub, mian anu palesayamo hi Ia.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEHEZKIEL 34:4

Domba nu belemiu haha atina' anu madi'mo mahoson madi'mo okalesang nu belemiu, anu masakit madi'mo opakuli'i, anu binelaonmo madi'mo obobodi nu belemiu, anu tinalasmo ka' nolapusmo madi'mo olio nu belemiu ka' osule'akon mae. Pakalaus iwi-iwi' na domba haha aijo' talalo ahi' osigohi nu belemiu.

IMAMAT 20:4

De mian da'isan mompojohokmo palabuatan nu mian aijo' ka' madi'mo mombee'i hukuman mate hi ia,

ZAKHARIA 7:9

“Pa' sangkuka na taun anu ihikuhakonmo binee'-Kumo na palentah haha aiya hi mian anu palesayamo hi belengku, ‘Belemiu tionyo ahi' saja' adin, ka' mongkalibosi mian, ka' mule' manonong hi sangko manusia.

MATIUS 10:6

Panyo lako'mo hi to mia-mian Israel, lebe-lebe mule' hi aha anu sinala'mo na jalan.

MATIUS 15:24

I Yesus nontaami, “Aku sinai ola ahi' mamba hi bansa Israel, posi hi aha anu sala' na jalan.”

1 KORINTUS 9:9

I uno nu Kitab i Musa tinulis, “Sapi' anu hau-haunyo opake mongutut gandum aijo' da mo hudu' aijo' ikoengannyo boli ahi' osoku' na nganga'nyo.” Te sapi' na nupatui nu potatae nu Tumpu Allah?

PO'ULE' INGULIT 22:2

De tumpunyo majo'on na laigannyo, kabai madi' osumbu' miu na tumpunyo, boa na binatang aijo' i laigan nu belemiu. De tumpunyo tokamo mae molio, bee'akonmo hi ia.

1 PETRUS 2:25

U'utu mae belemiu sumo domba anu tinalasmo, panyo uuka aiya belemiu sinule'akonmo mae da mombatuki Polaya' ka' anu Mompalakai santuu' miu.