PO'ULE' INGULIT 21:22 - KITAB NU TUMPU ALLA LELE MA'IMAI'

²² “De daagi' ko samian anu binee'anmo hukuman mate kalana nombaumo anu ma'idek ka' butongnyo anu sinilakamo aijo' pinokalayo'mo i kau' anu pinototon,

PO'ULE' INGULIT 21:22 ပူးပေါင်းရင်းမြစ်များ

KAJADIAN 40:19

Daagi' tolun sinaa aiya i tomundo mompalentahmo mian mompolo ubak nu beleyum lantas mompokalayo'mo bangk'e nu beleyum i sa'angu' na ohi', ka' to tomo-tomonsi' tokamo mae montoluki antok nu beleyum.”

2 SAMUEL 21:10

Lantas i Rizpa ambahue' i Saul nilatasmo nu kalung aijo' i batu anu pipinompo una'an bangke' haha aijo' sika-sikatimpas. I Rizpa madi'mo nompala'i tampat aijo' salatan pe'e pinongalapanmo isi nu ale' sahingga tinokamo na tempo'nyo nu ehua ka' tempo'nyo aitu hon nu kau' nohudu'mo. Sinaa madi' nu pobee' na bangke' haha aijo' nu tungkugi nu to tomo-tomonsi' kabai de malomo dumo nu kaan nu to bina-binatang anu mahangas.

2 SAMUEL 21:6

Kalana aijo' aha popi-popitu' na mo'ane lee'nyo mae bee'mo mae hi kami da osegot ka' opokalayo'mo mami i ahop nu Tumpu kiijo' i Gigea kota i Tomundo' Saul.” Tinaaman i tomundo', “Ma'ima'mo de sumo itina', aha ku bee'mo.”

2 SAMUEL 21:9

Aha binee'mo hi aha mian nu Gibeon lantas aha popi-popitu' aijo' sinilakamo hingga-hinggat sinegot ka' pinokalayo'mo aita i bungkutnyo hi ahop nu Tumpu. Hukuman mate aijo' binee' hi aha tempo'nyo lapasmo na kau' nimbuhak, ka' tempo'nyo aitu pangalapanmo bua'nyo nu jalai.

2 SAMUEL 4:12

Lapas aijo' nompalentahmo to sulu-suludadunyo na i Daud da mompateimo i Rekhab tiba i Baana. Pinoko patean nuaha, limanyo tiba tengkenyo nu aha kinolongakonmo nu aha ka' sinegot 'mo koko kolam. Panyo ubak i Isyboset ingala ka' ilamun ikota' aijo' suele i uno nu pinolamunan i Abner.

NOMBILANGMO 25:4

“Hakop iwi-iwi' na mian anu mongkapalai bansa aijo' ka' pateimo na aha i ahop nu mian da'isan salaku bau pontuluti palentang-Ku, da Aku madi'mo motambuha' hi bansa aijo'.”

MATIUS 26:66

Uuka mosia na pikilan miu?” Aha nontaami, “Ia sinala'mo ka' tionyo opateimo.”

MARKUS 14:64

Komiu nosi hongomo potatae-Nyo anu momposala' Tumpu. Uuka apaa na kaputusan nu belemiu?” Aha iwi-iwi' nompotusimo i Yesus sala', ka' tionyo o hukum mate.

LUKAS 23:33

Salatan tinoka i tampat anu osanggohi, “Popoke',” aha nomposalibmo i Yesus ka' ua'aha na mian ma'idek aijo' – samian i sasu koanan ka' samian mule' i sasu kewe' i Yesus.

SISIKON NU TO RASUL-RASUL 23:29

Padahan ia madi' nombau apa-apaa anu pantas o hukum nu hukuman mate kabai o talungku'. Pontuukan nu aha hi ia ola ahi' anu ko sangkutannyo tiba atulan-atulan i posi agama nu aha.

SISIKON NU TO RASUL-RASUL 25:11

De aku nolanggaimo atulan ka' nombaumo apa-apaa anu pantas o hukum nu hukuman mate, aku sanang na mate. Panyo de pontuuk nu aha madi' totu'u, madi' ko samian pe'e na timbali mombee' aku hi aha. Ku poita o putusi i pomputusian hi Kaisar!”

SISIKON NU TO RASUL-RASUL 25:25

Panyo aku madi' nongkabot apa-apaa pe'e anu binaunyomo, da timbali o hukum nu hukuman mate. Ka' kalana pinosi poitanyomo na palakalanyo o putusi i pomputusian nu Kaisar, aku nontantukanmo da momboa ia hi Kaisar.

SISIKON NU TO RASUL-RASUL 26:31

Salatan i sambiha'nyomo aha notataemo samian ka' samian, “Mian aiya madi' nombau apa-apaa anu pantas o hukum nu hukuman mate kabai o talungku'.”

PO'ULE' INGULIT 22:26

Langkoyang aijo' madi' timbali opoposia kalana ia madi' nombau han anu madi' pantas pohukuman mate. Palakala aijo' sumomo palakala nu samian anu nolambani mian sangga'at ka' nompatei.

YOSUA 10:26

Lantas pinateanmo i Yosua na tomundo haha aijo' ka' nompokalayo'mo aha i olima' na kau' anu pinotinjo. Bangke' nu aha pinobakasmo ikiijo' sampe mamalom.

YOSUA 10:27

Salatan batu nu sinaa nakakinsapmo, pinalentahmo i Yosua da bangke' haha aijo' otau'akonmo, lantas otuamo i liang anu uuka mae pinatisulukan nu tomundo haha aijo'. Lapas mae batu anu toto daka-daka' haha aijo' opaha tuamo i sabatan nu liang aijo'. Sampe tempo' uuka aiya batu haha aijo' daagi' ikiijo'.

YOSUA 8:29

Tomundo nu kota aijo' sinegot ka' pinokalayo'mo i kau' anu pinototon ka' pinojohokmo ikiijo' sampe mamalom. Salatan sinaa nakakinsapmo, i Yosua nompokaumo mian da mongala bangke'nyo aijo' ka' ingalinmo i ahop nu sabatan daka' nu kota. Lapas mae aijo' tinambulanmo nu batu manjo-manjoo' hondo. Batu haha aijo' daagi' kiijo' sampe tempo' uuka aiya.

1 SAMUEL 26:16

Beleyum madi' moko ala mombau apaa na anu pinalentahkonmo, o Abner! I uno nu sanggo nu Tumpu anu tumuu', belemiu iwi-iwi' sahanyo silakamo kalana madi' monjagai tuan nu belemiu tomundo' anu pinile'anmo nu Tumpu. Soba toa! Pa' iyamo na talombo' i tomundo'? Pa' iyamo na pongisian uee anu koko ubaknyo?”