PO'ULE' INGULIT 21:18 - KITAB NU TUMPU ALLA LELE MA'IMAI'

¹⁸ “Bisuannyo ko anak mo'ane anu panggaga saja' moto'idek, ka' madi' mombatuki pongka'oho' nu tu'anyonyo maumo binee'anmo hukuman na ia.

PO'ULE' INGULIT 21:18 ပူးပေါင်းရင်းမြစ်များ

2 SAMUEL 7:14

Aku timbalimo tuumanyo ka' ia baumo anak-Ku mo'ane. De ia mombau kasala'an ia Ku hukum susumo samian na tuuma mohukum anaknyo.

NOSABATMO 20:12

O adati na tuuma ka' tina nu belemiu da belemiu mohumpak ka'ima'an ka' mantan nu umun i lipu' anu Ku bee' hi belemiu.

NOSABATMO 21:15

Ihe na mondoke tuuma ka' tinanyo, tionyo obee'i hukuman opatei.

NOSABATMO 21:17

Ihe na montundai tuumanyo kabai tinanyo, tionyo obee'i hukuman opatei.

AMSAL 1:8

O intomakon apaa na anu pinoto'i nu tuuma ka' tina nu beleyum hi beleyum, anakku,

AMSAL 13:24

Madi' mondoke anak bala alati' madi' mongkalibosi ia; panyo de mongkalibosi ia tionyo ahi' baani na mondoke ia.

AMSAL 15:5

Mian anu ponga' montee pokinde nu tuumanyo; panyo mian anu pande montuluti tuumanyo.

AMSAL 19:18

Atun ima-ima' na anak nu beleyum kalana daagi kotempo mongima-imani apa-apaa, de madi', alati'nyo beleyum mongka'ima'imo da ia silakamo.

AMSAL 20:20

Mian anu montotobi'akon tu'anyonyo, kantumuu'annyo madi'tuusan, sumomo sulu' anu mompoho' mo i pihi anu pinikatmo.

AMSAL 22:15

Pantasnyomo na to ana-anak mombau hahan anu madi' totu'u, panyo pondoke moko ala mongajan aha da obabali'i na kalakuan.

AMSAL 28:24

Ihe na buling hi tu'anyonyo ka' monsangka aijo' misa' dosa', pokakana mo tiba anu lewa' mombuling sangga'at.

AMSAL 29:17

O'ajan na anak nu beleyum, sahingga ia saidi mae mombee' ka'amanan hi beleyum, ka' timbali momposanang kinyonyoa nu beleyum.

AMSAL 30:11

Daagi' ko mian anu montotobi'akon tuumanyo; ka' madi' moholomati tinanyo.

AMSAL 30:17

Mian anu lewa' mongalu tuumanyo kabai tinanyo anu i langkai'mo ka' binengkele'mo, pantasmo ahi' na o'alin i sambiha'nyo da matanyo nu tungkugi nu papaa' ka' bangke'nyo nu kaanmo nu bonyia'.

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

YESAYA 1:5

Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

YEREMIA 31:18

Ihongong-Kumo na mian nu Israel notatae kahomo i uno nu kasusa'an na kinyonyoa, ‘O Tumpu, kami sumomo ahi' binatang anu ma'isa pininyaman panyo ingajan mo nu Belento na kami da tulu-tulutan, ka' uuka aiya kami kahanda'mo minsusule' mae hi Belento. Jadi, boamo mae na kami da minsusule'mo o Tumpu, Tumpu Allah mami.

YEREMIA 5:23

Panyo belemiu panggaga hondo ka' madi' mohongo-hongo; belemiu madi'mo tinulu-tulutan ka' nompala'imo Aku.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 21:9

De ko anak boune nu iamam masala'mo, ia mongambangimo tuumanyo ka' tionyo opapui sampe mate.

PO'ULE' INGULIT 21:19

Saba' tu'anyonyo tionyo ahi' momboa ia hi to pola-polaya' nu kota anu kajojoongan nu aha ka' opoita da anak aijo' obee'i hukuman.

PO'ULE' INGULIT 27:16

‘Kinutukan na mian anu madi' mongadati tu'anyo nu aha ka' mompojohokmo aha madi'mo opalakai.’ ‘Amin!’

PO'ULE' INGULIT 8:5

O inau' ahi' kalana Tumpu Allah nu belemiu nongajanmo belemiu susumo samian na tuuma nongajanmo to ana-anaknyo.

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.