PO'ULE' INGULIT 20:3 - KITAB NU TUMPU ALLA LELE MA'IMAI'

³ ‘To utu-utus soba potombihing mae! Sinaa aiya belemiu mambamo mahampate. Boli mabuhuk kabai hente na kinyonyoa kabai bata-bata!

PO'ULE' INGULIT 20:3 ပူးပေါင်းရင်းမြစ်များ

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

AYUB 23:16

Anu Daka' hondo na kuasanyo nohungku'imo iwi-iwi' na kabaanianku, Aku nabuhukmo kalana Tumpu Allah, misa' kalana pikat taha-tahahumo, maumo pintung aijo' nontikubimo aku, ka' nongkukubimo ohupku.

MAZMUR 3:6

Aku i nale'mo ka' i hoyotmo madi'mo ko anu nompoposia, ka' po'ule' mule' nobula, kalana Tumpu na nontinjohimo mae aku.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 7:4

Poto'i hi tomundo' da ia tataap mogogau panyo boli ahi' bata-bata. Boli ia mabuhuk kabai bingung. Tambuha' i Tomundo' Pekah tiba i Tomundo' Rezin tiba suludadu nu aha mian Siria haha aijo' ola susumo ohua' na lo'uton nu apu anu kotibuknyo, jadi madi' ahi' moko ala mompoposia.

NOMBILANGMO 14:9

Boli panggaga hi Tumpu, ka' boli mabuhuk hi mian haha aijo' anu jojoong i lipu' kiijo', kalana dengke na kita mompatundu' aha. Anu monjagai aha nompala'imo aha, panyo Tumpu na monsangalui ahi kita. Jadi, boli mabuhuk.”

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MATIUS 10:31

Kalana aijo' boli mabuhuk! Komiu lebe ko angga'nyo molingkudui to tomo-tomonsi' peheet!”

MATIUS 8:26

“Kadaka' komiu mabuhuk?” Tukoonyo i Yesus. “Komiu madi' talalo palesaya hi belengku!” Lapas aijo' i Yesus tinuminjo ka' nonsegai mombun tiba dowiwi aijo'. Lantas dowiwi aijo' nolinomo hondo.

MARKUS 16:18

De aha montoongi ulo kabai monginum lasung, aha madi' mohumpak kasilaka'an. De aha mompotiik lima i to mia-mian masakit, mian haha aijo' ma'alin.”

MARKUS 16:6

Mian olitau aijo' notatae, “Boli mabuhuk! Kusumbu' komiu molio i Yesus mian nu Nazaret anu sinalibmo. Ia madi'mo i aiya. Ia po'ule'mo tinumuu'! Toa, aiya na tampat pinompomale'an nu aha Ia.

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

PO'ULE' INGULIT 1:21

Belengku notatae: Uka komiu timokamo i da'erah bungkut nu mian Amori, tano anu bine'mo hi kita i Tumpu-Allahnto ka Allah mompole'to. Toa i ahop miu tala-tala na tano' aijo. Lako'mo patundui susumo anu pinalentah nu Tumpu. Bolimo bata-bata kabai mabuhuk.

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 20:2

Ma'isa pe'e mahampate, samian na imam tionyo ahi' mamba mae ka' motatae hi beleyum sumo uuka,

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.

1 TIMOTIUS 6:12

Bala usaha totu-totu'u da tumuu' sumo mian Kristen da beleyum mohumpak tambo tumuu' kopian sampe toka sidu-sidutu'. Kalana aijo'mo na kahanda' nu Tumpu molaga beleyum tempo'nyo beleyum nongakuimo i ahop nu mian da'isan tukooyum palesayamo hi Kristus.

IBRANI 13:6

Kalana aijo' kita baani ahi' na motatae, “Tumpu na anu Montulungi mae aku, aku madi' mabuhuk. Apaa na anu nu poko ala nubau nu mian hi belengku?”

YOSUA 23:10

Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

1 SAMUEL 17:32

Koonyo i Daud hi Saul, “O Tomundo' kita madi' palalu mabuhuk hi aha mian nu Filistin aijo'! Aku mongewamo ia.”